სპეციალური ერთდღიანი კონგრესის ახალი პროგრამა

ადამიანის თვალი სასწაულებრივად არის შექმნილი (ფსალმ. 138:14). მაგრამ თითოეულ კონკრეტულ შემთხვევაში მას მხოლოდ ერთ რამეზე შეუძლია კონცენტრირება. ეს ასეა როგორც პირდაპირი, ისე გადატანითი მნიშვნელობით. ნათელი სულიერი ხედვა რომ შევინარჩუნოთ, მთელი ყურადღება ღვთის ნების შესრულებაზე უნდა გადავიტანოთ. მაგრამ სატანის დღევანდელ ქვეყნიერებაში უფრო და უფრო მეტი რამ გვიშლის ხელს ამის გაკეთებაში. ამიტომ ნამდვილად დროული იქნება 2006 სამსახურებრივი წლის სპეციალური ერთდღიანი კონგრესის პროგრამა „სუფთად დაიცავით თვალი!“ (მათ. 6:22).

რისი გაკეთება შეგვიძლია იეჰოვას კურთხევების მისაღებად? (იგავ. 10:22). ამ კითხვას პასუხი გაეცემა პროგრამის ერთ-ერთ ნაწილში, რომლის სათაურიცაა „დაიცავით სუფთად თვალი და მოიმკეთ კურთხევები“. ინტერვიუებში ყურადღება გამახვილდება იმაზე, თუ რა სარგებლობა მოაქვს ბიბლიური პრინციპების გამოყენებას. მოწვეული მომხსენებლის პირველი მოხსენება „თვალის სუფთად დაცვა ამ ბოროტ ქვეყნიერებაში“ დაგვანახვებს, თუ რამ შეიძლება გაგვირთულოს ცხოვრება და თანდათანობით ჩაგვიხშოს სულიერობა. ჩვენ ასევე გავიგებთ, თუ რას ნიშნავს „უკეთესის არჩევა“ (ლუკ. 10:42).

როგორ შეუძლიათ მშობლებს და სხვებს, წაახალისონ ახალგაზრდა ქრისტიანები, მთელი ყურადღება სულიერ მიზნებზე გადაიტანონ? პროგრამის ნაწილებში — „მშობლები, რომლებიც სწორ მიმართულებას აძლევენ ისრებს“ და „ახალგაზრდები, რომლებიც სულიერ მიზნებს აღწევენ“ — მოვისმენთ მშობლებისა და ახალგაზრდების აზრებს ამ მნიშვნელოვან საკითხთან დაკავშირებით (ფსალმ. 126:4). დასკვნით მოხსენებაში კი მოწვეული მომხსენებელი განიხილავს, თუ როგორ შეგვიძლია განვაგრძოთ წინსვლა იეჰოვას ორგანიზაციასთან ერთად პიროვნულად, როგორც ოჯახმა და როგორც კრებამ.

ახალი გაცნობილნი ვართ ჭეშმარიტებასთან თუ უკვე ათწლეულებია, რაც იეჰოვას ვემსახურებით, ძალიან მნიშვნელოვანია ‘სუფთად დავიცვათ თვალი’. სპეციალური ერთდღიანი კონგრესის ეს პროგრამა სწორედ ამაში დაგვეხმარება.