შეუძლია თქვენს შვილს სერიოზული გადაწყვეტილების მიღება?

¹ რომელ სერიოზულ გადაწყვეტილებაზეა საუბარი? სისხლის გადასხმაზე. 1991 წლის 15 ივნისის „საგუშაგო კოშკის“ სტატიაში (რუს.) „ვიაროთ იეჰოვასგან განსწავლულებმა“ მოთხრობილია იეჰოვას ახალგაზრდა მოწმეებზე, რომლებმაც მტკიცედ დაიცვეს თავიანთი პოზიცია სისხლის გადასხმასთან დაკავშირებით. ამით დაამტკიცეს, რომ როგორც მათი მშობლებისთვის, ასევე მათთვის ძალიან მნიშვნელოვანია სისხლთან დაკავშირებით ღვთის კანონისადმი მორჩილება. შეუძლია თქვენს არასრულწლოვან შვილს თავისი პოზიციის დაცვა?

² რა არის კანონით გათვალისწინებული? საქართველოს კანონმდებლობის თანახმად, სრულწლოვანების ასაკს მიღწეულ ადამიანს უფლება აქვს, საკუთარ მკურნალობასთან დაკავშირებით თავად მიიღოს გადაწყვეტილება. სრულწლოვანების ასაკამდე კი მშობელი იღებს გადაწყვეტილებას. ახალგაზრდა უნდა დაფიქრდეს, თუ რა შედეგს გამოიღებს მის მიერ არჩეული მკურნალობის მეთოდი. მან ნათლად და მტკიცედ უნდა ახსნას თავისი მრწამსი — სისხლთან დაკავშირებით ღვთის თვალსაზრისი.

³ რას იტყვის თქვენი შვილი? შეუძლიათ თქვენს შვილებს განმარტონ თავიანთი შეხედულება? სწამთ მათ მთელი გულით, რომ ‘მოერიდონ სისხლს’ — ეს ღვთის მითითებაა? (საქ. 15:29; 21:25). შეუძლიათ ბიბლიის გამოყენებით ახსნან თავიანთი პოზიცია? დაიცავენ ისინი გაბედულად თავიანთ გადაწყვეტილებას სისხლის შესახებ, როცა მშობლები მათ გვერდით არ იქნებიან და, თუ ექიმები თვლიან, რომ მათი სიცოცხლე საფრთხეშია? ვინაიდან „დრო და შემთხვევა განაგებს ყველაფერს“, როგორ შეგიძლიათ მოამზადოთ თქვენი შვილები, რომ მოულოდნელი შემთხვევების დროს ერთგულება შეინარჩუნონ? (ეკლ. 9:11, სსგ; ეფეს. 6:4).

⁴ მშობლებო, რა შეგიძლიათ გააკეთოთ? თქვენი მოვალეობაა, ასწავლოთ შვილებს სისხლის შესახებ ღვთის თვალსაზრისი (2 ტიმ. 3:14, 15). 1996 წლის თებერვლის „ჩვენი სამეფო მსახურების“ საშუალებით (გვ. 5, 6. აბზ. 29—36) ბავშვებს დაეხმარებით, შეძლონ იმის ახსნა, თუ რა სწამთ და რატომ (1 პეტ. 3:15). სისხლის გამოყენებასთან დაკავშირებით უფრო მეტ ინფორმაციას გვაწვდის ბროშურა „როგორ შეუძლია სისხლს შენი სიცოცხლის ხსნა?“ (რუს.), 2004 წლის 15 ივნისის „საგუშაგო კოშკი“, გვერდები 14—24 და DVD (რუს.) „სისხლის გადასხმის ალტერნატიული საშუალებები — დოკუმენტური სერიალი“, რომელიც შეიცავს ვიდეოფილმებს: „უსისხლო ქირურგია — მკურნალობა და პაციენტის უფლებების დაცვა“ და „არავითარი სისხლი — მედიცინა გამოსავალს პოულობს“. მათში მოცემულია სარწმუნო ინფორმაცია, თუ რამდენად გონივრული და პრაქტიკულია უსისხლო მედიცინა და ქირურგია. უყურეთ ბოლო პერიოდში მთელმა ოჯახმა ამ ვიდეოფილმებს და იმსჯელეთ მათ შესახებ?

⁵ დაეხმარეთ თქვენს შვილებს, ‘დარწმუნდნენ, რა არის ღვთის ნება — კარგი, მოსაწონი და სრულყოფილი’ სისხლთან დაკავშირებით. შედეგად ისინი მზად იქნებიან სერიოზული გადაწყვეტილების მისაღებად, რასაც იეჰოვას კურთხევა მოჰყვება (რომ. 12:2).

[სასწავლო კითხვები]

1. როგორი პოზიცია დაიკავეს ახალგაზრდა მოწმეებმა სისხლის გამოყენებასთან დაკავშირებით? მოიყვანეთ მაგალითი.

2. რა არის ნათქვამი კანონმდებლობაში ბავშვის მკურნალობასთან დაკავშირებით და როგორ შეუძლიათ ქრისტიან მშობლებს და მათ შვილებს ამ კანონის გათვალისწინება?

3. რა კითხვებზე უნდა დაფიქრდნენ მშობლები სერიოზულად და რატომ?

4, 5. ა) რა პასუხისმგებლობა აკისრიათ მშობლებს და როგორ შეუძლიათ მისი შესრულება? ბ) რა დამხმარე საშუალებებია ხელმისაწვდომი მშობლებისთვის?