ბიბლიის შემსწავლელს იეჰოვას უბადლო თვისებებისთვის მადლიერება განავითარებინე
1 მსახურებისას არა მარტო ბიბლიური ჭეშმარიტების საფუძვლებს ვასწავლით ხალხს, არამედ ვეხმარებით, გაიცნონ იეჰოვა და განივითარონ იეჰოვას უბადლო თვისებებისთვის მადლიერება. როცა გულწრფელი ადამიანები ღვთის შესახებ ჭეშმარიტებას გებულობენ, ეს იმდენად დიდ გავლენას ახდენს მათზე, რომ ცვლიან თავის ცხოვრებას, „რათა იეჰოვას ღირსად იარონ იმ მიზნით, რომ ყველაფერში ასიამოვნონ მას“ (კოლ. 1:9, 10; 3:9, 10).
2 ახალი სახელმძღვანელო. წიგნი „რას გვასწავლის ბიბლია?“ თავიდანვე ამახვილებს ყურადღებას იეჰოვას თვისებებზე. პირველივე თავი პასუხს სცემს კითხვებს: ავლენს ღმერთი შენდამი ინტერესს? სინამდვილეში როგორია ღმერთი? შესაძლებელია ღმერთთან დაახლოება? ეს თავი ყურადღებას ამახვილებს ღვთის სიწმინდეზეც (აბზ. 10), მის სამართლიანობასა და თანაგრძნობაზე (აბზ. 11), მის სიყვარულზე (აბზ. 13), მის სიძლიერეზე (აბზ. 16), მის გულმოწყალებაზე, მიმტევებლობაზე, მოთმინებასა და ერთგულებაზე (აბზ. 19). მე-20 აბზაცი კი ასეთ დასკვნას აკეთებს: „რაც უფრო მეტს გაიგებ იეჰოვას შესახებ, მისი არსებობა მით უფრო რეალური გახდება შენთვის, უფრო შეგიყვარდება და უფრო მეტად იგრძნობ მასთან სიახლოვეს“.
3 როგორ დავეხმაროთ ბიბლიის შემსწავლელებს იეჰოვასთან დაახლოებაში წიგნით „რას გვასწავლის ბიბლია“? როდესაც რომელიმე აბზაცის კითხვისას განიხილავთ ღვთის ერთ-ერთ თვისებას, შეგეძლო გეკითხა: რა ისწავლე იეჰოვას პიროვნების შესახებ? როგორ აჩვენებს ეს, რომ ღმერთი ავლენს შენდამი ინტერესს? დროდადრო ასეთი კითხვების დასმით, შემსწავლელს ვეხმარებით ნასწავლზე დაფიქრებასა და იეჰოვას უბადლო თვისებებისთვის მადლიერების განვითარებაში.
4 გასამეორებელი კითხვების ჩარჩო. თითოეული თავის ბოლოს, შემსწავლელს სთხოვე თავისი სიტყვებით ახსნას თითოეული საკითხი ჩარჩოდან „რას გვასწავლის ბიბლია?“. ყურადღება გაამახვილებინე ციტირებულ მუხლებზე. რომ გაიგო სინამდვილეში რას ფიქრობს შემსწავლელი, შეგიძლია ჰკითხო: რას ფიქრობ ბიბლიის თვალსაზრისზე ამ საკითხთან დაკავშირებით? ამგვარად არა მარტო ამ თავის მთავარ აზრებზე გაამახვილებ ყურადღებას, არამედ ნათლად დაინახავ, სინამდვილეში რა სწამს ბიბლიის შემსწავლელს. ეს კი მას დაეხმარება იეჰოვასთან დაახლოებაში.