მაქსიმალურად გამოიყენე მსახურებისთვის გამოყოფილი დრო
1 მსახურებაში ჯერ კიდევ ბევრია გასაკეთებელი, დრო კი ცოტაღა რჩება (იოან. 4:35; 1 კორ. 7:29). კარგი დაგეგმვა დაგვეხმარება, რომ მსახურებისთვის გამოყოფილი დრო მაქსიმალურად გამოვიყენოთ.
2 მოემზადე: სანამ სამქადაგებლო მსახურების შეხვედრაზე წახვალ, დარწმუნდი, რომ თან გაქვს საჭირო ლიტერატურა და შეთავაზება კარგად გახსოვს. შეხვედრის დამთავრებისთანავე წადი მსახურებაში. ეს შესაძლებლობას მოგცემთ როგორც შენ, ისე მას, ვისთან ერთადაც იმსახურებ, რომ მაქსიმალურად გამოიყენოთ მსახურებისთვის გამოყოფილი დრო.
3 თუ სამქადაგებლო მსახურების შეხვედრას შენ ატარებ, ის დროულად დაიწყე. შეხვედრა 10—15 წუთზე მეტხანს არ უნდა გაგრძელდეს. ვიდრე ჯგუფურად გახვალთ მსახურებაში, ყველამ კარგად უნდა იცოდეს, თუ სად მიდის და ვისთან ერთად მიდის.
4 მსახურებისას: როგორც კი სამქადაგებლო მსახურების შეხვედრა დამთავრდება, თუ საჭირო არ არის აღარ დაყოვნდე და პირდაპირ უბანზე წადი. თუ მსახურების დამთავრებას ადრე აპირებ, ტრანსპორტზე თავად იზრუნე, რომ შენს გამო ჯგუფის სხვა წევრებსაც ადრე არ მოუწიოთ მსახურების შეწყვეტა. ჯგუფური მსახურებისას გაითვალისწინე, რომ დროზე დაასრულო ქადაგება, რადგან ჯგუფი შეიძლება გელოდებოდეს. ამ დროს შეგიძლია ტაქტიანად შეწყვიტო საუბარი მობინადრესთან, რომელიც გეკამათება ან განმეორებით მონახულებაზე შეუთანხმდე მას, ვინც დაინტერესდა (მათ. 10:11).
5 როდესაც განმეორებითი მონახულების გაკეთებას დააპირებ, დროს ფუჭად არ დახარჯავ, თუ წინასწარ დაურეკავ მას, ვისთან მისვლასაც აპირებ, რათა გაიგო სახლში არის თუ არა ის (იგავ. 21:5). თუ ფიქრობ, რომ მონახულება შედარებით დიდხანს გაგიგრძელდება, წინასწარ უთხარი ჯგუფის წევრებს, რომ მათ შეძლონ ახლო-მახლო ქადაგება ან სხვა მონახულებების გაკეთება.
6 ჩვენ ვცხოვრობთ დიდი სულიერი მკის დროში (მათ. 9:37, 38). მალე ეს საქმე დასრულდება. ამიტომ, ჩვენი მიზანი უნდა იყოს, რომ მაქსიმალურად გამოვიყენოთ მსახურებისთვის გამოყოფილი დრო.