შეკითხვების ყუთი

◼ რომელი ორი პუბლიკაციით უნდა ჩავუტაროთ ბიბლიის შესწავლა დაინტერესებულს?

ბიბლიის შესწავლების დასაწყებად და ჩასატარებლად ძირითადად ვიყენებთ წიგნს „რას გვასწავლის ბიბლია?“. თუ დაინტერესებულთან შესწავლა სხვა პუბლიკაციით, მაგალითად რომელიმე შესაფერისი ტრაქტატით დავიწყეთ, ყველანაირად უნდა ვეცადოთ, რომ, რაც შეიძლება მალე (თუ არაფერია საწინააღმდეგო), გავაგრძელოთ შესწავლა წიგნით „რას გვასწავლის ბიბლია?“. ამ წიგნის გამოყენებით საუკეთესო შედეგები მიიღწევა.

თუ შემსწავლელთან დავამთავრეთ წიგნის „რას გვასწავლის ბიბლია?“ განხილვა და შემსწავლელი სულიერად წინ მიიწევს, შესწავლა უნდა გაგრძელდეს წიგნით „თაყვანი ეცი ღმერთს“ (კოლ. 2:7). ამ წიგნის მე-2 გვერდი გვიხსნის, თუ რა მიზანს ემსახურება ეს წიგნი: «წმინდა წერილები ღვთის ყველა მოყვარულს მოუწოდებს, რომ მისი ძვირფასი ჭეშმარიტების ‘სიმაღლესა და სიღრმეს ჩასწვდნენ’ (ეფესოელები 3:18). სწორედ ამ მიზნით გამოიცა ეს წიგნი. ვიმედოვნებთ, რომ ეს სახელმძღვანელო სულიერ ზრდაში დაგეხმარება და ხელს შეგიწყობს ღვთის სამართლიან ახალ ქვეყნიერებამდე მიმყვანი ვიწრო გზით სიარულში».

თუ ორივე წიგნის დასრულებამდე შემსწავლელი უკვე შეესაბამება მონათვლისთვის საჭირო მოთხოვნებს, შესწავლა უნდა გაგრძელდეს მანამ, სანამ მეორე წიგნს ბოლომდე არ განიხილავთ. მაშინაც კი, თუ შემსწავლელი მოინათლება, შესწავლის ჩამტარებელს შეუძლია სამქადაგებლო მსახურების ბლანკში ჩაიწეროს დრო, განმეორებითი მონახულება და ბიბლიის შესწავლა. იმ მაუწყებელს, რომელიც შესწავლის ჩამტარებელს თან ახლავს და მონაწილეობს განხილვაში, აგრეთვე შეუძლია დროის ჩაწერა.