გამოხატე მადლიერება ღვთის უდიდესი ძღვნისთვის
1. განსაკუთრებით რისთვის ვართ იეჰოვას მადლიერნი?
1 იეჰოვა მრავალ „კარგ ძღვენს“ გვაძლევს, რომელთაგანაც უდიდესს მისი ძვირფასი ძის მიერ გაღებული გამოსასყიდი წარმოადგენს (იაკ. 1:17). ცოდვების პატიება ერთ-ერთია იმ უამრავი კურთხევიდან, რისი მიღების შესაძლებლობასაც გამოსასყიდი გვაძლევს (ეფეს. 1:7). ამისთვის ჩვენ ყოველთვის მადლიერნი ვართ. გახსენების საღამოს პერიოდში ჩვენ განსაკუთრებით ვფიქრობთ ამ ძვირფას ძღვენზე.
2. როგორ გავიღრმავოთ გამოსასყიდისადმი მადლიერება პირადად და ოჯახში?
2 გაიღრმავე მადლიერება: იმისათვის, რომ შენს ოჯახს მადლიერება გაუღრმავდეს, კარგი იქნებოდა თუ გახსენების საღამოს წინა კვირაში ოჯახთან ერთად თაყვანისცემისას გამოსასყიდზე იმსჯელებდით. აგრეთვე ოჯახის წევრებთან ერთად ყოველდღე მიჰყევი გახსენების საღამოსთან დაკავშირებულ ბიბლიის კითხვის გეგმას. პირადად დაფიქრდი, თუ რა სარგებლობა მოგიტანა გამოსასყიდმა და როგორ შეგიცვალა თვალსაზრისი იეჰოვაზე, საკუთარ თავზე, სხვებზე და მომავალზე. გარდა ამისა, შეგიძლია წინასწარ მოემზადო ორი ახალი მე-8 და 109-ე სიმღერების სამღერად, რომელიც გახსენების საღამოზე შესრულდება (ფსალმ. 77:12).
3. როგორ შეგვიძლია გამოვხატოთ მადლიერება?
3 გამოხატე მადლიერება: გამოსასყიდისადმი მადლიერება აღგვძრავს, რომ სხვებსაც გავაგებინოთ იეჰოვაზე და დავანახვოთ, რამხელა სიყვარული გამოავლინა მან თავისი ძის გამოგზავნით (ფსალმ. 145:2—7). ზოგი მადლიერებას იმით ავლენს, რომ მარტში, აპრილსა და მაისში ოჯახის სულ მცირე ერთი წევრი დამხმარე პიონერად მსახურობს. თუ შენი ოჯახის შემთხვევაში ეს შეუძლებელია, შეგიძლია ‘გამოისყიდო დრო’ და მსახურება გააფართოო? (ეფეს. 5:16). მადლიერება აგრეთვე აღგვძრავს, რომ სხვებსაც დავეხმაროთ გახსენების საღამოზე დასწრებაში (გამოცხ. 22:17). გახსენების საღამოზე დასაპატიჟებლად შეადგინე ბიბლიის შემსწავლელების, ნათესავების, თანამშრომლების, მეზობლებისა და მათი სია, ვისაც განმეორებით ინახულებ, და სრული მონაწილეობა მიიღე გახსენების საღამოს მოსაწვევების გავრცელების სპეციალურ კამპანიაში.
4. რის შესაძლებლობას გვაძლევს გახსენების საღამოს პერიოდი?
4 გახსენების საღამოს პერიოდი შესაძლებლობას გვაძლევს, იეჰოვასადმი მადლიერება გამოვავლინოთ იმ ძღვნისთვის, რომელიც მან კაცობრიობას მისცა. მოდი ეს დრო იმისთვის გამოვიყენოთ, რომ მადლიერება გამოვხატოთ გამოსასყიდისა და „ქრისტეს განუზომელი სიმდიდრისთვის“ (ეფეს. 3:8).