„დროული საზრდო“
1. როგორ დაგეხმარათ სპეციალური ერთდღიანი კონგრესის პროგრამა?
1 სპეციალური ერთდღიანი კონგრესის შემდეგ ხშირად ვამბობთ: „ეს სწორედ ის იყო, რაც გვჭირდებოდა!“. სარაიონო ზედამხედველმა აღნიშნა, რომ მიმდინარე სამსახურებრივი წლის სპეციალური კონგრესის პროგრამის მოსმენის შემდეგ მის რაიონში ზოგი აღიძრა, მსახურებისთვის მეტი დრო გამოეყო. ერთმა მიმომსვლელმა ზედამხედველმა თქვა: „როდესაც ჩვენს არჩევანზე ვფიქრობთ, ვხვდებით, რომ მის გაკეთებაში სპეციალური ერთდღიანი კონგრესი დაგვეხმარა, რომელმაც ნათლად დაგვანახვა, დროის რა მონაკვეთში ვცხოვრობთ“. სხვამ კი აღნიშნა: „ბევრმა მაუწყებელმა აღნიშნა, რომ მათთვის ეს გამომაფხიზლებელი იყო, რათა დარწმუნებულიყვნენ, ჰქონდათ თუ არა მთელი ყურადღება გადატანილი ყველაზე მნიშვნელოვანზე — მსახურებაზე“. პირადად შენ როგორ დაგეხმარა სპეციალური ერთდღიანი კონგრესი?
2. რა იქნება განხილული შემდეგი სამსახურებრივი წლის სპეციალური კონგრესის პროგრამაში?
2 მომავალი სამსახურებრივი წლის კონგრესის პროგრამაც სწორედ ის იქნება, რაც ჩვენ გვჭირდება. კონგრესის თემაა „თავი შეაფარეთ იეჰოვას“, რომელიც აღებულია ფსალმუნის 118:8, 9-დან. წარმოთქმული იქნება სხვადასხვა მოხსენება: „როგორ შეიძლება იეჰოვა იყოს ციხე-სიმაგრე გაჭირვების ჟამს?“, „დაეხმარეთ სხვებს, იეჰოვას ფრთებქვეშ პოვონ თავშესაფარი“, „მიჰბაძეთ იეჰოვას და იყავით სხვებისთვის თავშესაფარი“, „ახალგაზრდებო, მიენდეთ იეჰოვას!“ და „ჩვენი სულიერი სამოთხე — თავშესაფარი იეჰოვასგან“.
3. როგორ შეგიძლია სრულად ისარგებლოთ კონგრესის პროგრამიდან?
3 მიიღე სრული სარგებლობა: კონგრესის ჩატარების თარიღის გამოცხადებისთანავე ყველაფერი ისე დაგეგმე, რომ შეძლო დასწრება. დაპატიჟე ბიბლიის შემსწავლელებიც. იმისათვის, რომ ‘მოთმინებით გამოიღო ნაყოფი’, საჭიროა კარგად მოისმინო (ლუკ. 8:15). ყურადღებით მოუსმინე პროგრამას და მოკლე ჩანაწერები გააკეთე იმ მთავარ აზრებზე, რომლის გამოყენებასაც ცხოვრებაში და მსახურებაში აპირებ. კონგრესის შემდეგ ოჯახთან ერთად იმსჯელე პროგრამაზე და ყურადღება გაამახვილე იმ მხარეებზე, რომლებსაც შენ და შენი ოჯახი გამოიყენებთ.
4. რატომ უნდა ველოდოთ მომავალ სპეციალურ ერთდღიან კონგრესს?
4 გემრიელი და ნოყიერი საჭმლის მსგავსად ამ წლის სპეციალური ერთდღიანი კონგრესიც დიდი სიყვარულითა და მზრუნველობით მომზადდა. იეჰოვამ აკურთხოს შენი ძალისხმევა, რომ დაესწრო კონგრესს და სრული სარგებლობა მიიღო „დროული საზრდოდან“, რომელიც ქრისტიანების სულიერად დანაყრებას ემსახურება (მათ. 24:45).