„ღვთის სიტყვა მოქმედია“

1. რა არის 2014 სამსახურებრივი წლის სპეციალური ერთდღიანი კონგრესის დევიზი?

¹ ბიბლიას გაცილებით დიდი ძალა შესწევს, ვიდრე არასრულყოფილი ადამიანის ნებისმიერ მცდელობას; მას შეუძლია გარდაქმნას ჩვენი ფიქრები და დაგვეხმაროს, შევიცვალოთ, რათა იეჰოვას მოსაწონები ვიყოთ. მართლაც რამხელა ძალა აქვს ღვთის სიტყვას! როგორ შეგვიძლია მისი ძალის სრულად გამოყენება ჩვენს ცხოვრებაში? დარწმუნებულნი ვართ, რომ ამ საკითხებზე აგებული 2014 სამსახურებრივი წლის სპეციალური ერთდღიანი კონგრესის პროგრამა ჩვენს სულიერ აღშენებას მოემსახურება. კონგრესის დევიზია: „ღვთის სიტყვა მოქმედია“, რომელიც დაფუძნებულია ებრაელების 4:12-ზე.

2. რომელ კითხვებზე მივიღებთ პასუხებს?

² მოძებნე ამ კითხვებზე პასუხები. პროგრამის მოსმენის დროს მიუწერე პასუხები პროგრამაში მოცემულ ქვემოთ ჩამოთვლილ კითხვებს.

• რატომ უნდა ვენდოთ იეჰოვას სიტყვას? (ფსალმ. 29:4)

• როგორ შეგვიძლია საკუთარ თავზე გამოვცადოთ ღვთის სიტყვის ძალა? (ფსალმ. 34:8)

• როგორ შეგიძლიათ ღვთის სიტყვის ძალის გამოყენება მსახურებაში? (2 ტიმ. 3:16, 17)

• რა უნდა გავაკეთოთ, რომ არ აღმოვჩნდეთ სატანის ქვეყნიერების მაცდუნებელი ძალის მსხვერპლი? (1 იოან. 5:19)

• ახალგაზრდებო, როგორ შეგიძლიათ სულიერი წარმატების მიღწევა? (იერ. 17:7)

• როგორ შეგვიძლია ვიყოთ ძლიერები იმ დროსაც კი, როცა სუსტები ვართ? (2 კორ. 12:10)

• რა არის საჭირო იმისათვის, რომ არ შევწყვიტოთ ცვლილებების მოხდენა მაშინაც კი, თუ ცუდი ჩვევები ძვალსა და რბილში გვაქვს გამჯდარი? (ეფეს. 4:23).

3. გარდა იმისა, რომ პროგრამას მოვისმენთ, კიდევ რატომ არის კარგი სპეციალურ ერთდღიან კონგრესზე დასწრება?

³ მართლაც, ჩვენთვის ძალიან სასარგებლო იქნება ამ კონგრესზე წარმოდგენილი მნიშვნელოვანი ინფორმაციის მოსმენა! გარდა ამისა, ამ სპეციალურ ერთდღიან კონგრესზე, ასევე სარაიონო და საოლქო კონგრესებზე, შესანიშნავი შესაძლებლობა მოგვეცემა, რომ „გავფართოვდეთ“ სიყვარულში და დავტკბეთ ჩვენს და-ძმებთან ურთიერთობით, რომლებიც სხვადასხვა კრებაში მსახურობენ (ფსალმ. 133:1—3; 2 კორ. 6:11—13). ასე რომ, დაუთმე დრო ძველ მეგობრებს და გამოყავი დრო ახალი მეგობრების შესაძენად. თუ თქვენს სპეციალურ ერთდღიან კონგრესზე მოწვეული მომხსენებელი საოლქო ზედამხედველი ან ბეთელის ოჯახის წევრია, კარგი იქნება, თუ მას და მის მეუღლეს გულთბილად გამოელაპარაკები. დიახ, ნამდვილად ბევრი მიზეზი გვაქვს, რომ მოუთმენლად დაველოდოთ სპეციალურ ერთდღიან კონგრესს.