სპეციალური ერთდღიანი კონგრესის ახალი პროგრამა

წმინდა სულით გაძლიერებული პირველი ქრისტიანები მთელი მონდომებით აცხადებდნენ სასიხარულო ცნობას ფართო მასშტაბით (საქ. 1:8; კოლ. 1:23). 2007 სამსახურებრივი წლის სპეციალური ერთდღიანი კონგრესი, თემით „მთლიანად ჩაებით სიტყვის ქადაგებაში“, დაგვეხმარება, მივბაძოთ მათ შესანიშნავ მაგალითს (საქ. 18:5).

ღვთის სიტყვის შესახებ მეფე დავითმა თქვა: „იეჰოვას შეხსენება სანდოა, დააბრძენებს გამოუცდელებს“ (ფსალმ. 19:7). 2007 წლის სპეციალური ერთდღიანი კონგრესის საგულდაგულოდ მომზადებული პროგრამა დაგვანახვებს, რამდენად მნიშვნელოვანია ბიბლია გამოსასწორებლად. ეს პროგრამა წაგვახალისებს, რომ ვიქადაგოთ და ვასწავლოთ სხვებს ღვთის სიტყვა და ეს გადაუდებლად გავაკეთოთ (2 ტიმ. 3:16, 17). ეს პროგრამა აგრეთვე დაგვანახვებს, როგორ ავარიდოთ თავი მახეებს და როგორ მივიღოთ სარგებლობა ყოველდღიურად ბიბლიური პრინციპების გამოყენებით. ის აგრეთვე დაგვანახვებს, როგორ დავეხმაროთ ღვთის სიტყვით ახალგაზრდებსა და ახლებს სულიერ წინსვლაში.

შენს ადგილას იჯექი, როცა პროგრამა დაიწყება და ყურადღებით მოისმინე. ჩაიწერე ის აზრები, რომლებსაც გამოიყენებ. დააფასე მოსმენილი რჩევა-დარიგებები და შეხსენებები. იფიქრე, როგორ გამოიყენებ ნასწავლს ცხოვრებაში.

სპეციალური ერთდღიანი კონგრესის პროგრამა გაგვიძლიერებს მადლიერებას ღვთის სიტყვისადმი, შეგვახსენებს, რომ მტკიცედ და გულმოდგინედ განვაგრძოთ სამეფოს შესახებ სასიხარულო ცნობის ქადაგება და დაგვანახვებს, როგორ დავეხმაროთ სხვებს ამაში. ნუ გამოტოვებთ სულიერ დარიგებებსა და მითითებებს, რომლებსაც იეჰოვა ასეთი სახით გვაძლევს! (ეს. 30:20ბ, 21)