ჩვენი ჟურნალები ყველასთვის გამოიცემა
1. როგორ ჰბაძავს ერთგული და გონიერი მონის კლასი მოციქულ პავლეს?
1 როგორც მოციქული პავლე გახდა ყველასთვის ყველაფერი, რათა მათთვის სასიხარულო ცნობა გადაეცა, ერთგული და გონიერი მონის კლასიც იყენებს ჩვენს ჟურნალებს იმისათვის, რომ ეს ცნობა სხვადასხვა წარმომავლობისა თუ მრწამსის ადამიანებს გაუზიაროს (1 კორ. 9:22, 23). ამიტომ „საგუშაგო კოშკისა“ და „გამოიღვიძეთ!“-ის გამოყენებისას კარგია, ყოველთვის გვახსოვდეს, თუ ვისთვის გამოიცემა ეს ჟურნალები.
2. ძირითადად, ვისთვის გამოიცემა „გამოიღვიძეთ!“?
2 „გამოიღვიძეთ!“: ეს ჟურნალი გამოიცემა მათთვის, ვინც ჰგავს „ათენელებს“, რომლებსაც მოციქულმა პავლემ მიმართა (საქ. 17:22). ათენელები არ იყვნენ ქრისტიანები და საღვთო წერილებს თითქმის არ იცნობდნენ. მსგავსადვე, მათ, ვისთვისაც „გამოიღვიძეთ!“-ია გამიზნული, საერთოდ არ ჰქონიათ ბიბლიასთან შეხება ან მხოლოდ ზედაპირული ინფორმაცია აქვთ. მათ შეიძლება საერთოდ არაფერი იციან ქრისტიანულ სწავლებებზე, გარკვეულწილად არ ენდობიან რელიგიას ან არ ესმით ბიბლიის პრაქტიკული ღირებულება. „გამოიღვიძეთ!“-ის ძირითადი მიზანია, მკითხველი დაარწმუნოს ჭეშმარიტი ღვთის არსებობაში. ეს ჟურნალი, აგრეთვე, მკითხველს უვითარებს ბიბლიისადმი რწმენას და ეხმარება, გაიგონ, რომ იეჰოვას მოწმეები სხვა რელიგიური მიმდინარეობებისგან განსხვავდებიან.
3. ვისთვის გამოიცემა „საგუშაგო კოშკის“ თითოეული გამოცემა?
3 „საგუშაგო კოშკი“: ამ ჟურნალის ფართო მკითხველისთვის გამოცემა ძირითადად გამიზნულია მათთვის, ვისაც გარკვეულწილად სწამს ღვთის და აფასებს ბიბლიას. მათ აქვთ ბიბლიაზე ზოგადი წარმოდგენა, მაგრამ არა აქვთ ბიბლიური სწავლებების ზუსტი ცოდნა. ისინი ჰგვანან პავლეს მსმენელებს, რომლებსაც მოციქულმა ღვთის მოშიშები უწოდა (საქ. 13:14—16). „საგუშაგო კოშკის“ სასწავლო გამოცემა იბეჭდება ძირითადად იეჰოვას მოწმეებისთვის. პავლემ იცოდა, რომ თავისი წერილების მკითხველები იცნობდნენ წმინდა წერილებს და ჭეშმარიტების ზუსტი შემეცნება ჰქონდათ (1 კორ. 1:1, 2). მსგავსადვე, სტატიები სასწავლო გამოცემაში იწერება მათთვის, ვინც კრების შეხვედრებს ესწრება და იცნობს იეჰოვას მოწმეების ტერმინოლოგიასა თუ სწავლებებს.
4. რატომ უნდა გვქონდეს წაკითხული თითოეული ჟურნალი, რომლებსაც მსახურებაში ვიყენებთ?
4 თუმცა, ჩვეულებრივ, ორ-ორ ჟურნალს ერთდროულად ვავრცელებთ, შეთავაზებას მხოლოდ ერთს ვუკეთებთ. ამიტომ მიზნად დაისახე, კარგად გაეცნო თითოეულ მათგანს. ასე საუკეთესოდ შეძლებ ჟურნალების დანიშნულებისამებრ გამოყენებას.