განიწმინდოს ღვთის სახელი
1. რა არის 2012 სამსახურებრივი წლის სარაიონო კონგრესის თემა და რაზეა ის დაფუძნებული?
1 რა დიდი პატივია ჩვენთვის, ვატაროთ სამყაროს უზენაესის, იეჰოვას, სახელი! თავად ღმერთმა მოგვცა თავისი სახელის ტარების უფლება. განსაკუთრებით 1931 წლიდან, ჩვენ, იეჰოვას მოწმეები, გამოვირჩევით იმით, რომ ღვთის სახელს ვატარებთ (ეს. 43:10). ღვთის მხოლოდშობილმა ძემ, იესომ, დიდი პატივი მიაგო იეჰოვას სახელს იმით, რომ ლოცვის ნიმუშში ის პირველ რიგში მოიხსენია (მათ. 6:9). იესოს სიტყვები საფუძვლად დაედო 2012 სამსახურებრივი წლის სარაიონო კონგრესის თემას — „განიწმინდოს ღვთის სახელი“.
2. რას მოვისმენთ ამ სარაიონო კონგრესზე?
2 რას მოვისმენთ: შაბათს მოხსენებაში „იმსახურეთ სრული დროით და გააცხადეთ ღვთის სახელი“ განიხილება, რატომ არის სრული დროით მსახურება ცხოვრებაში დიდი კურთხევების მომტანი. აგრეთვე მოვისმენთ მოხსენებათა სერიას სახელწოდებით „იფხიზლეთ, რომ არ შეურაცხყოთ იეჰოვას სახელი“. მოხსენებათა ეს სერია დაგვეხმარება, არ გავებათ შესაძლო ოთხ მახეში. მოხსენებაში „რატომ უნდა განიწმინდოს ღვთის სახელი?“ პასუხი გაეცემა შემდეგ კითხვებს: რა დაგვეხმარება გულმოდგინედ ქადაგებაში მათთან, ვინც ნაკლებად ავლენს ინტერესს? და რა დაგვეხმარება ეფექტურად და ნაყოფიერად მსახურებაში? კვირას მოვისმენთ ოთხ-ნაწილიან მოხსენებათა სერიას, რომელშიც განიხილება, როგორ განვწმინდოთ ღვთის სახელი ჩვენი ფიქრებით, მეტყველებით, გადაწყვეტილებებითა და საქციელით. ახლებისთვის განსაკუთრებით საინტერესო იქნება საჯარო მოხსენება: „იეჰოვა განწმენდს თავის დიდებულ სახელს არმაგედონში“.
3. რა დიდი პატივი გვაქვს და რაში დაგვეხმარება ეს პროგრამა?
3 ძალიან მალე იეჰოვა განწმენდს თავის სახელს (ეზეკ. 36:23). მანამდე კი, გვაქვს უდიდესი პატივი, მხარი დავუჭიროთ ყველაფერს, რაც იეჰოვას წმინდა სახელს უკავშირდება. დარწმუნებული ვართ, რომ ეს სარაიონო კონგრესი თითოეულ ჩვენგანს დაგვეხმარება, სერიოზულად მოვეკიდოთ ღვთის სახელის ტარების უდიდეს პასუხისმგებლობას!