გამამხნევებელი შეხვედრა ღვთის მსახურებისთვის

1. რა სიახლე დაინერგა ორგანიზაციაში 1938 წელს და რა მიზნით?

¹ 1938 წელს იეჰოვას ორგანიზაციაში სიახლე დაინერგა — კრებებს იწვევდნენ სამხარეო კონგრესებზე დასასწრებად, რომელთაც დღეს სარაიონო კონგრესები ეწოდება. რა მიზნით? 1939 წლის იანვრის „ინფორმატორში“ (ახლანდელი „ჩვენი სამეფო მსახურება“) ეწერა: „ეს კონგრესები იეჰოვას თეოკრატიული ორგანიზაციის ნაწილია სამეფო მსახურების შესასრულებლად. აქ მოცემული მითითებები თითოეულისთვის მნიშვნელოვანია, რათა დაკისრებული საქმე სათანადოდ შეასრულონ“. როდესაც ვხედავთ სამეფოს მაუწყებლების ზრდას, რომელთა რიცხვი 1938 წელს მხოლოდ 58 ათასი იყო, 2009 წლისთვის კი 7 მილიონს გადააჭარბა, ნათელი ხდება, რომ სარაიონო კონგრესები თავიანთი მიზნის შესაბამისად ღვთის მსახურებს „დაკისრებული საქმის შესრულებაში“ ეხმარებიან.

2. რა ინფორმაცია განიხილება ახალ სამსახურებრივ წელს სარაიონო კონგრესზე?

² მომავალი წლის კონგრესის თემა: მოუთმენლად ველოდებით სექტემბრიდან ჩასატარებელი კონგრესის პროგრამას, რომელიც ჩვენთვის გამამხნევებელი იქნება. კონგრესის თემაა „ქვეყნიერების ნაწილი არა ხართ“, რომელიც იოანეს 15:19-დან არის აღებული. ღვთის მსახურებისთვის გამამხნევებელი იქნება შემდეგი მოხსენებები: შაბათს მოვისმენთ მოხსენებას „როგორ გვიცავს სრული დროით მსახურება?“. წარმოდგენილი იქნება სამნაწილიანი მოხსენებათა სერია „არ წაიბილწოთ თავი . . .“ — „მხეცთან“, „დიდ მეძავთან“ და „დიდვაჭრებთან“. კვირას მოვისმენთ მოხსენებათა სერიას „გიყვარდეთ იეჰოვა და არა ქვეყნიერება“. ასევე წარმოთქმული იქნება სხვა მოხსენებები: «კვლავაც „ხიზნები და დროებითი მცხოვრებლები“ იყავით» და „გამაგრდით! თქვენ შეგიძლიათ სძლიოთ ქვეყნიერებას“.

3. რაში დაგვეხმარება სარაიონო კონგრესზე დასწრება?

³ სარაიონო კონგრესზე დასწრების შემდეგ ერთმა დამ, რომელიც მანამდე მსახურებაში არააქტიური იყო, დაწერა, რომ კონგრესის პროგრამა მას თავისი მდგომარეობის შეფასებაში დაეხმარა და გადაწყვიტა, რომ სხვადასხვა მიზეზი აღარ ეძებნა მსახურებისთვის თავის ასარიდებლად. უდავოა, ახალ სამსახურებრივ წელს ჩატარებული კონგრესი ყველას დაგვეხმარება, რომ ქვეყნიერებაზე მეტად იეჰოვა გვიყვარდეს (1 იოან. 2:15—17). ყველაფერი გააკეთე იმისთვის, რომ დაესწრო კონგრესს და ყურადღებით მოისმინო პროგრამა, რომელიც იეჰოვას სიყვარულის გამოხატულებაა.