შეთავაზების ნიმუშები

ოქტომბრის პირველ შაბათს ბიბლიის შესწავლის დაწყება

„ამ რთულ დროს ხშირად ვხვდებით სიტუაციებს, რომლებიც პრობლემებს უქმნის ოჯახებს. როგორ ფიქრობთ, სად შეიძლება საიმედო ხელმძღვანელობის პოვნა, რომ ოჯახი ბედნიერი იყოს?“ დაელოდე, გიპასუხოს. შემდეგ მობინადრეს მიეცი 1 ოქტომბრის „საგუშაგო კოშკი“ და ერთად განიხილეთ მე-16, მე-17 გვერდებზე მოცემული რომელიმე ქვესათაური. წაიკითხე მითითებული ერთი ბიბლიური მუხლი მაინც. შესთავაზე ჟურნალები და შეთანხმდით განმეორებით მონახულებაზე, რათა პასუხი გასცეთ მომდევნო კითხვას.

საგუშაგო კოშკი 1 ოქტომბერი

აჩვენე ჟურნალის გარეკანი და ჰკითხე: „რას იგრძნობდით, თუ გაიგებდით, რომ ღვთის შესახებ ტყუილი გითხრეს? [დაელოდე, გიპასუხოს] ყურადღება მიაქციეთ, იესოს სიტყვების თანახმად, როგორ შეიძლება სიმართლის სიცრუისგან გარჩევა. [წაიკითხე იოანეს 17:17] ასე რომ, მხოლოდ ბიბლია გვეუბნება სიმართლეს ღმერთზე. ამ ჟურნალში მოცემულია ხუთი გავრცელებული სიცრუე ღვთის შესახებ, რომლებსაც ბიბლია ამხელს“.

გამოიღვიძეთ! ოქტომბერი

„დღეს ჩვენ ოჯახებს ერთი კითხვით მივმართავთ: როგორ ფიქრობთ, შვილების აღზრდის საკითხში მშობლებისთვის რა არის ყველაზე დიდი სირთულე? [დაელოდე, გიპასუხოს] მრავალი მშობელი რჩევისთვის ბიბლიას მიმართავს. მაგალითად, ეს ბრძნული სიტყვები ბევრს დაეხმარა შვილების აღზრდაში [წაიკითხე ეფესოელების 4:31] ამ ჟურნალში ნაჩვენებია, როგორ ეხმარება ბიბლიური რჩევები მშობლებს ბავშვის განვითარების ნებისმიერ ეტაპზე, ჩვილობიდან მოზარდობამდე“.