გახსენების საღამოს კამპანია იწყება 1-ელ მარტს
1. როდის დაიწყება გახსენების საღამოს კამპანია და რატომ გაგრძელდება წელს ის მეტხანს?
1 პარასკევს, 1-ელ მარტს ჩვენ დავიწყებთ ყოველწლიურ კამპანიას, რათა დავპატიჟოთ სხვები გახსენების საღამოზე. გახსენების საღამო ჩატარდება 26 მარტს, რაც ნიშნავს იმას, რომ წინა წლებთან შედარებით ეს კამპანია უფრო მეტხანს გაგრძელდება. ეს საშუალებას მოგვცემს, უფრო მეტი ადამიანი დავპატიჟოთ, განსაკუთრებით, თუ კრებას დიდი ტერიტორია აქვს.
2. რა მითითებები გვაქვს მოსაწვევებთან და ტერიტორიების დამუშავებასთან დაკავშირებით?
2 ორგანიზება. უხუცესები მოგვცემენ მითითებებს, თუ როგორ დავამუშაოთ ტერიტორია და აგრეთვე, დავტოვოთ თუ არა მოსაწვევები, როცა მობინადრეები სახლში არ არიან. თუ ყველა უბნის დამუშავების შემდეგ დაგვრჩება მოსაწვევები, შეიძლება მათი გავრცელება ქუჩაში ან სხვა სახის მსახურების დროს. სამსახურებრივი ზედამხედველი იზრუნებს, რომ მოსაწვევებზე მითითებული იყოს გახსენების საღამოს ჩატარების დრო და ადგილი; მოსაწვევების გარკვეული რაოდენობა უნდა ელაგოს ლიტერატურის დახლზე, მაგრამ ერთ ჯერზე მოსაწვევების მთლიანი მარაგი არ უნდა დაიდოს. მხოლოდ იმდენი აიღე, რამდენიც დაგჭირდება ერთი კვირის განმავლობაში.
3. რა უნდა გვახსოვდეს მოსაწვევების გავრცელებისას?
3 რას ვეტყვით? კარგია, თუ მოკლე შეთავაზებას გავაკეთებთ, რადგან ეს მოგვცემს მეტი ადამიანის ნახვის საშუალებას. მე-4 გვერდზე მოცემულია შეთავაზების ნიმუში, რომელიც შეიძლება მოვარგოთ ჩვენს ტერიტორიას. რა თქმა უნდა, ჩვენ არ შევწყვეტთ მობინადრესთან საუბარს, თუ მას ამის სურვილი ან კითხვები ექნება. შაბათ-კვირას მოსაწვევებთან ერთად, შეძლებისდაგვარად, შეგვიძლია გავავრცელოთ ჟურნალებიც. 2 მარტს ბიბლიის შესწავლების დაწყების ნაცვლად, მთელ ყურადღებას დავუთმობთ მოსაწვევების გავრცელებას.
4. რატომ უნდა მივიღოთ მონაწილეობა ამ კამპანიაში მთელი შემართებით?
4 იმედი გვაქვს, რომ ბევრი მოვა გახსენების საღამოზე. მოხსენებაში ახსნილი იქნება, თუ ვინ არის სინამდვილეში იესო (1 კორ. 11:26). თემაში საუბარი იქნება იმაზე, თუ როგორ გვეხმარება იესოს სიკვდილი (რომ. 6:23). აგრეთვე გავიგებთ, თუ რატომ არის მნიშვნელოვანი, გვახსოვდეს იესო (იოან. 17:3). ამიტომ მოდი, მთელი შემართებით მივიღოთ მონაწილეობა ამ კამპანიაში.