„ავიღებ თქვენს ლიტერატურას, თუ თქვენ აიღებთ ჩემსას“

ზოგჯერ ასე გვპასუხობენ მობინადრეები. ვინაიდან ბიბლიის შესასწავლ სახელმძღვანელოებს არასწორი ინფორმაციის შემცველ რელიგიურ ლიტერატურაში არ ვცვლით, როგორ ვუპასუხოთ ამ შემთხვევაში მობინადრეს ტაქტიანად? (რომ. 1:25). შეგვიძლია ასეთი რამ ვუთხრათ: „ძალიან დიდი მადლობა. შეიძლება ერთი რამ გკითხოთ? რას ამბობს ეს პუბლიკაცია კაცობრიობის პრობლემების მოგვარების საკითხზე? [დაელოდე, გიპასუხოს. იმ შემთხვევაში, თუ გთხოვს, რომ წაიკითხო პუბლიკაცია და თავად მოძებნო პასუხი, შეგიძლია უთხრა, რომ შენ მისთვის პუბლიკაცია შინაარსის წარდგენის გარეშე არ შეგითავაზებია. შემდეგ წაიკითხე ან უთხარი მათეს 6:9, 10.] იესომ ყურადღება გაამახვილა, რომ ღვთის სამეფო შეასრულებს დედამიწაზე ღვთის ნებას. ასე რომ, მე მხოლოდ იმ რელიგიურ ლიტერატურას ვკითხულობ, რომელიც ღვთის სამეფოზე საუბრობს. თქვენის ნებართვით, ბიბლიაში გაჩვენებთ, თუ რას გააკეთებს ღვთის სამეფო“.