დავიხვეწოთ ქადაგებაში — ჩანაწერები

„ყოველთვის დაუკვირდი როგორც შენს თავს, ისე იმას, რას და როგორ ასწავლი“ (1 ტიმ. 4:16). ამ ღვთიური რჩევიდან, რომელიც პავლე მოციქულმა ტიმოთეს მისწერა, ჩანს, რომ უნდა ვეცადოთ, დავიხვეწოთ, იმის მიუხედავად, ახლა დავიწყეთ მსახურება, თუ უკვე დიდი ხანია, ვქადაგებთ. ამ საქმეში დიდ დახმარებას გაგვიწევს სტატიათა ახალი სერია სახელწოდებით „დავიხვეწოთ ქადაგებაში“, რომელიც დაიბეჭდება „ჩვენი სამეფო მსახურების“ ფურცლებზე. თითოეულ სტატიაში განხილული იქნება ერთი მნიშვნელოვანი სფერო, რომელშიც უნდა დავიხვეწოთ და მოცემული იქნება ამ საკითხთან დაკავშირებული რჩევები. მთელი თვის განმავლობაში ყველამ განსაკუთრებული ყურადღება უნდა მიაქციოს ამ კონკრეტულ სფეროს მსახურების დროს. თვის ბოლოს სამსახურებრივ შეხვედრაზე შეგვიძლია ჩვენს კომენტარებში აღვნიშნოთ, როგორ წაგვადგა მოცემული რჩევები. მოდი ამ თვეში ცოტა მეტი ყურადღება დავუთმოთ ჩანაწერების გაკეთებას.

რატომ არის მნიშვნელოვანი. ღვთისგან მონდობილი დავალება რომ შევასრულოთ, ქადაგებაზე ცოტა მეტი მოგვეთხოვება. უნდა მივაკითხოთ მათ, ვინც დაინტერესდა და ვასწავლოთ ანუ მოვრწყათ ჭეშმარიტების მარცვალი, რომელიც დავრგეთ (მათ. 28:19, 20; 1 კორ. 3:6—9). ამის გასაკეთებლად საჭიროა, მოვინახულოთ ეს ადამიანი, ვესაუბროთ იმ საკითხებზე, რაც მას აწუხებს და წინა ჯერზე გამართულ საუბარზე ავაგოთ შემდგომი საუბარი. აქედან გამომდინარე, როცა ვინმე ინტერესს ავლენს, აუცილებლად უნდა აღვნიშნოთ ეს ჩვენს ჩანაწერებში.