ხელიდან ნუ გაუშვებ სამეფოს შესახებ ქადაგების შესაძლებლობას!

1. რის სწავლა შეგვიძლია დავითის მაგალითიდან?

¹ მეფე დავითმა არ დაუშვა, რომ შექმნილ ვითარებას მისთვის ხელ-ფეხი შეეკრა. მაგალითად, დავითს სურდა, რომ იეჰოვასთვის სახლი აეშენებინა, მაგრამ იეჰოვამ მას ამის ნება არ დართო. დავითმა შეცვალა თავისი გეგმები და იზრუნა იმაზე, რომ სოლომონს გაადვილებოდა ტაძრის აშენება (1 მეფ. 8:17—19; 1 მატ. 29:3—9). ნაცვლად იმისა, რომ იმაზე ეფიქრა და ენერვიულა, რის გაკეთებაც თავად ვერ შეძლო, დავითმა მთელი ყურადღება იმაზე გადაიტანა, რის გაკეთებაც შეეძლო. როგორ მივბაძოთ დავითს მაშინ, როცა  ვეძებთ სამეფოს შესახებ ცნობის გავრცელების გზებს?

2. რატომ უნდა გადავხედოთ ჩვენს მდგომარეობას?

² გააკეთე ის, რაც შეგიძლია: ბევრმა ცხოვრება გაიმარტივა, რათა პიონერად ან დამხმარე პიონერად დაეწყო მსახურება (მათ. 6:22). შეგიძლია შეუერთდე მათ რიგებს? ილოცე და გადახედე შენს მდგომარეობას. შესაძლოა აღმოაჩინო, რომ „მოღვაწეობის დიდი კარი“ შენთვისაც გაიღო. თუ ასეა, ხელიდან ნუ გაუშვებ ამ შესაძლებლობას! (1 კორ. 16:8, 9).

3. დამოწმების რა შესაძლებლობა შეიძლება მოგვეცეს მაშინაც კი, როცა პიონერად მსახურებას ვერ ვახერხებთ?

³ რა შეგიძლია გააკეთო, თუ მდგომარეობა ხელს არ გიწყობს, რომ პიონერად იმსახურო? ის გააკეთე, რის გაკეთებაც შეგიძლია. მაგალითად, თუ სამსახურში ურთიერთობა გიწევს სხვა მრწამსის ადამიანებთან, ხელიდან ნუ გაუშვებ მათთან ქადაგების შესაძლებლობას. თუ ჯანმრთელობასთან დაკავშირებულ პრობლემებს ებრძვი, უქადაგე სამედიცინო პერსონალს. გახსოვდეს, შეზღუდული შესაძლებლობების მქონეთ და ხანდაზმულთ შეუძლიათ მსახურების ანგარიშში 15 წუთიც კი აღრიცხონ. როდესაც ყოველთვე სამქადაგებლო მსახურების ანგარიშს ავსებ, ანგარიშში ჩაწერე ის დრო, რაც არაფორმალურ ქადაგებას დაუთმე. აგრეთვე მიუთითე ყველა გავრცელებული ლიტერატურა, მათ შორის, ბუკლეტები, კონგრესისა თუ გახსენების საღამოსთვის განკუთვნილი მოსაწვევები. ბოლოს, როცა ამ წუთებს შეკრებ, შეიძლება სასიამოვნოდ გაგაოცოს შენმა ანგარიშმა!

4. რის გაკეთება გაქვს გადაწყვეტილი?

⁴ რა მდგომარეობაც არ უნდა გვქონდეს, მოდი ხელიდან ნუ გავუშვებთ სასიხარულო ცნობის გავრცელების შესაძლებლობას! შედეგად, კმაყოფილებას ვიგრძნობთ, რომ სამეფოს ინტერესების მხარდასაჭერად ძალ-ღონე არ დავიშურეთ (მარ. 14:8; ლუკ. 21:2—4).