ეძებე შესაძლებლობები ქადაგებისთვის

¹ ქრისტიანულ კრებაში და-ძმები საკმაოდ განვსხვავდებით ერთმანეთისგან. თუმცა ყველანი გადაწყვეტილებით ვართ აღსავსე, რომ განვადიდოთ იეჰოვა (ფსალმ. 78:13). როცა სუსტი ჯანმრთელობა ან სხვა სირთულეები გვზღუდავს, როგორ შეგვიძლია ვეძებოთ შესაძლებლობები ქადაგებისთვის?

² ყოველდღიურ საქმიანობაში: იესო ნებისმიერ შესაძლებლობას იყენებდა ხალხისთვის საქადაგებლად. ის საბაჟოსთან ჩავლისას მათეს დაელაპარაკა, როცა გზაზე მიდიოდა — ზაქეს, დასვენებისას კი — სამარიელ ქალს (მათ. 9:9; ლუკ. 19:1—5; იოან. 4:6—10). დღეს ჩვენც შეგვიძლია ნებისმიერ ადამიანთან საუბრისას დავამოწმოთ. თუ გვექნება ბიბლია, ტრაქტატები ან ბროშურები, მზად ვიქნებით ჩვენი იმედის შესახებ ვისაუბროთ (1 პეტ. 3:15).

³ გიშლის ხელს სუსტი ჯანმრთელობა, რომ კარდაკარ იმსახურო? ექიმთან მისვლისას, თუ ნებისმიერ ადამიანთან ურთიერთობისას იქადაგე (საქ. 28:30, 31). ცდილობ, ტელეფონით ან წერილით დაამოწმო, თუ ხშირად გიწევს სახლში ყოფნა? ერთი და ყოველთვის სწერს წერილებს ოჯახის წევრებს, რომლებიც არ არიან იეჰოვას მოწმეები. ის წერილებით უზიარებს მათ ბიბლიურ აზრებს და სამქადაგებლო მსახურებაში მომხდარ შემთხვევებს.

⁴ სამსახურსა თუ სკოლაში: იეჰოვას განდიდების სურვილი აგრეთვე აღგვძრავს, ვეძებოთ შესაძლებლობები, რათა ჭეშმარიტების მარცვალი ჩავთესოთ სამსახურსა თუ სკოლაში. რვა წლის მაუწყებელმა თავის კლასელებს მთვარის შესახებ უამბო, რაც „გამოიღვიძეთ!“-ში წაიკითხა. როცა მასწავლებელმა გაიგო, თუ საიდან იცოდა მოსწავლემ ეს ინფორმაცია, მას შემდეგ ყოველთვის იღებდა მოწმეებისგან „საგუშაგო კოშკსა“ და „გამოიღვიძეთ!“-ს. თუ სამუშაოზე გამოსაჩენ ადგილზე დავდებთ წიგნს „რას გვასწავლის ბიბლია“, ამან შეიძლება სხვები კითხვების დასმისკენ აღძრას. ეს კი დამოწმების საშუალებას მოგვცემს.

⁵ შეგიძლია ყოველდღიური საქმიანობის დროს ეძებო შესაძლებლობები ქადაგებისთვის? დაე ყოველდღე ვეძებოთ შესაძლებლობები, რათა „ვწირავდეთ ღმერთს . . . ქების მსხვერპლს“ (ებრ. 13:15).