საზოგადოებრივი თავშეყრის ადგილებში ქადაგების ახალი და წარმატებული მეთოდი

1. რას უნდა გაუწიონ ორგანიზება იმ კრებებმა, რომელთა ტერიტორიაზეც ხალხმრავალი ქუჩებია?

¹ კრებებმა, რომელთა ტერიტორიებზეც ხალხმრავალი ქუჩებია, ორგანიზება უნდა გაუწიონ საზოგადოებრივი თავშეყრის ადგილებში მაგიდებისა და სტენდების მეშვეობით ქადაგებას. სტენდთან, სულ მცირე, ერთი მაუწყებელი უნდა იდგეს ან იჯდეს. რაც შეეხება მაგიდებს, მათთან ორი მაუწყებელი უნდა იდგეს. და-ძმები, რომლებიც სტენდებთან ან მაგიდებთან მსახურობენ, უნდა იყვნენ თბილები და მეგობრულები. თუ გამვლელი ბანერს ინტერესით ათვალიერებს, ერთ-ერთ მაუწყებელს შეუძლია ჰკითხოს მას: „იცით, რას ამბობს ბიბლია ამ საკითხზე?“. ამ დროს მაგიდასთან ან სტენდთან მყოფ სხვა მაუწყებლებს შეუძლიათ მაგიდის ან სტენდის შორიახლოს არაფორმალურად დამოწმება განაგრძონ.

2. მოიყვანეთ შემთხვევა იმის დასადასტურებლად, რომ საზოგადოებრივი თავშეყრის ადგილებში ლიტერატურის მაგიდებით ქადაგებას კარგი შედეგი მოაქვს.

² ქადაგების ამ ახალი მეთოდის წყალობით ბევრმა ბიბლიის შესწავლა დაიწყო. ერთ-ერთი კოლეჯის სტუდენტმა გადაწყვიტა, რომ იეჰოვას მოწმეებზე საკურსო ნაშრომი დაეწერა, მაგრამ ახლომახლო იეჰოვას მოწმეთა სამეფო დარბაზს ვერ მიაგნო. მომდევნო კვირას მან თავისი სტუდენტური საერთო საცხოვრებლის ტერიტორიაზე ლიტერატურის მაგიდა შენიშნა. მასთან მოწმეებმა ბიბლიის შესწავლა დაიწყეს. დღეს ეს გოგონა მონათლულია და თავადაც საზოგადოებრივი თავშეყრის ადგილებში ქადაგებს.

3. რას ამბობს ზოგი მაუწყებელი ამ მეთოდით ქადაგებაზე?

³ ერთი და, რომელსაც ძალიან სიამოვნებს საზოგადოებრივი თავშეყრის ადგილებში ქადაგება, ამბობს: „ზოგი ჩვენს სტენდთან ან მაგიდასთან მიმდინარე თვის ჟურნალების ასაღებად მოდის. ზოგს არასდროს სმენია იეჰოვას მოწმეებზე. თვალნათლივ ვხედავ, რომ ამ ახალი მეთოდის წყალობით სასიხარულო ცნობა ბევრის ყურამდე აღწევს“. სხვა და კი აღნიშნავს: „ეს ქადაგების მართლაც შესანიშნავი მეთოდია, ვინაიდან ხალხი მოდის შენთან. სულ მცირე, საკუთარი ცნობისმოყვარეობის დასაკმაყოფილებლად“.

4. რატომაა უმჯობესი, თუ სტენდი ან მაგიდა ყოველთვის ერთსა და იმავე დღეს, ჩვეულ დროსა და ადგილას იდგება?

⁴ უმჯობესია, თუ სტენდი ან მაგიდა ყოველთვის ერთსა და იმავე დღეს, ჩვეულ დროსა და ადგილას იდგება. შედეგად, ხალხს ის თვალში უცხოდ აღარ მოხვდება და შესაძლოა, მოვიდნენ ჩვენთან, დაგვისვან კითხვები და აიღონ ლიტერატურა. თქვენი კრებაც უწევს ორგანიზებას საზოგადოებრივი თავშეყრის ადგილებში ქადაგებას? თუ ასეა, ალბათ თქვენც მოგეცემათ შესაძლებლობა, რომ ამ მეტად სასიამოვნო და ნაყოფიერი მეთოდით აუწყოთ „ღვთის სამეფოს შესახებ“ (ლუკ. 9:60).