დამოწმება ლიტერატურის სტენდებითა და მაგიდებით

ლიტერატურის სტენდებითა და მაგიდებით დამოწმება ძალიან კარგი საშუალებაა, რომ ალალ-მართალმა ადამიანებმა ჭეშმარიტება გაიგონ (იოან. 6:44). სწორედ ამიტომ უხუცესებს მოუწოდებენ, რომ ორგანიზება გაუწიონ თავიანთი კრების ტერიტორიაზე საზოგადოებრივი თავშეყრის ადგილებში ქადაგებას. ვინაიდან სტენდები ერთ ადგილზე არ არის დამონტაჟებული, შესაბამისად მათ დასადგმელად ხელისუფლებისგან ნებართვის აღება არ გვჭირდება. ვის შეუძლია იმსახუროს სტენდებთან? მაუწყებლებს, რომლებიც ავლენენ განსჯის უნარს, რომლებსაც შეუძლიათ საკუთარი თავის ღირსეულად წარმოჩენა და საუბრის წარმართვა. ქვემოთ მოცემულია ზოგიერთი რჩევა იმის თაობაზე, თუ როგორ უნდა მოიქცნენ მაუწყებლები, რომ სტენდთან წარმატებით იმსახურონ.

ასე მოიქეცი:

იყავი მეგობრული, თბილი და დახმარება გაუწიე სტენდთან გამვლელთ. ზოგი მაუწყებელი სტენდთან მისულთ თბილად და გულწრფელად უღიმის და მათ მეგობრულად ესალმება. თუ გამვლელი სტენდს შეხედავს, შეგიძლია უთხრა: „თუ რომელიმე პუბლიკაცია გაინტერესებთ, შეგიძლიათ აიღოთ“.
დადექი სათანადო დისტანციაზე. ზოგან მაუწყებლები წარმატებულად ქადაგებენ, რადგან ისინი სტენდიდან ცოტა მოშორებით დგანან. თუმცა ზოგი ამჯობინებს, რომ სტენდიდან უფრო შორს დადგეს, ვინაიდან გამვლელებს ერიდებათ სტენდთან მისვლა. თუ ვინმე სტენდს უახლოვდება, სცადე, აიყოლიო საუბარში. მაგალითად, შეგიძლია ჰკითხო: „ადრე თუ გიფიქრიათ ამ კითხვაზე?“.
საუბრისას ეცადე, ხშირად გამოიყენო ბიბლია.
თუ ვინმე აიღებს ბიბლიის შესწავლაში დამხმარე პუბლიკაციებს, მაგალითად, ისეთს როგორიცაა წიგნი „რას გვასწავლის ბიბლია?“, აუხსენი, რომ ჩვენ ადამიანებს ბიბლიის შესწავლაში ვეხმარებით. შესთავაზე მას, შენს ელექტრონულ მოწყობილობაში ვიდეორგოლის, „რატომ ვსწავლობთ ბიბლიას?“, ჩვენება.
თუ შეძლებ, გამოართვი დაინტერესებულს საკონტაქტო ინფორმაცია. იმ შემთხვევაში, თუ იგი შენი კრების ტერიტორიაზე არ ცხოვრობს, შეავსე ბლანკი „გთხოვთ მოინახულოთ“ (S-43) და რაც შეიძლება სწრაფად გადაეცი კრების მდივანს.

ასე ნუ მოიქცევი:

ნუ იქნები აგრესიული, ნუ ჩააცივდები ადამიანს, ნუ იქნები თავხედი და სტენდის გვერდით დაცვასავით ნუ დადგები.
ნუ იფიქრებ, რომ სტენდით მსახურება მხოლოდ ლიტერატურის გავრცელების საშუალებაა. როდესაც მსახურებაში ვართ, ჩვენი მიზანი ბიბლიის შესწავლის დაწყებაა; ამიტომ უნდა ვეცადოთ, ადამიანები საუბარში ავიყოლიოთ.
სტენდის წინ ნუ დადგები, ნურც პარტნიორთან საუბარში გაერთობი. თუ პირად საქმეზე დასარეკი გაქვს, კარგი იქნება, თუ სტენდთან ახლოს არ დადგები და ასე არ ისაუბრებ.
მოწინააღმდეგესთან დებატებში ნუ ჩაებმები. თუ იგი შეურაცხყოფაზე გადავა, შეიძლება საჭირო გახდეს სტენდის სხვა ადგილზე გადატანა.