გამოიყენე ჩვენი ვებ-გვერდი — „პასუხები ბიბლიურ კითხვებზე“
ვებ-გვერდზე jw.org განყოფილებაში „ბიბლიური სწავლებები“ ვხვდებით ქვეგანყოფილებას „პასუხები ბიბლიურ კითხვებზე“. თუ გაცნობილი ხარ ამ განყოფილებაში მოცემულ პასუხებს ხშირად დასმულ კითხვებზე, ეს დაგეხმარება, რომ მობინადრეებს ვებ-გვერდის დახმარებით გასცე ბიბლიური პასუხი. გარდა ამისა, ეს კითხვები შეიძლება ბიბლიურ თემაზე საუბრის წამოსაწყებადაც გამოგადგეს. ვებ-გვერდზე განთავსებული კითხვებიდან შეგიძლია აარჩიო ერთ-ერთი, რომელიც შენს სამქადაგებლო ტერიტორიაზე მცხოვრებთ აღელვებთ. ამ კითხვის დასმის შემდეგ, გაიგე მობინადრის აზრი და შემდეგ ვებ-გვერდის მეშვეობით გააცანი მას, თუ რას გვპასუხობს აღნიშნულ საკითხზე ბიბლია. ამის შემდეგ ჩვენ შეგვიძლია მობინადრეს ვუთხრათ, თუ საიდან ვცემთ ასეთ პასუხს ან უშუალოდ ვებ-გვერდზე განთავსებული სტატია ვუჩვენოთ. მაუწყებელს შეუძლია სხვაგვარადაც მოიქცეს და კითხვაზე პასუხი მობინადრეს უშუალოდ ვებ-გვერდიდან წააკითხოს. ერთი მიმომსვლელი ზედამხედველის მეუღლე მიმართავს მეთოდს, რომელიც მის შემთხვევაში წარმატებულია. იგი ასეთ რამეს ეუბნება მობინადრეს: «ბევრი სვამს კითხვას: „ღმერთი იწვევს ჩვენს ტანჯვას?“. გნებავთ, ამ კითხვაზე 51 წამში გიპასუხოთ?». ამის შემდეგ იგი მობინადრეს ურთავს ამ სტატიის აუდიოჩანაწერს, რომელიც მას ჩამოტვირთული აქვს თავის პორტატიულ მოწყობილობაში. საუბრის დასასრულს, იგი მობინადრის ყურადღებას მიმართავს წიგნის, „რას გვასწავლის ბიბლია?“, მე-11 თავზე.