„ისევ არ დამხვდა სახლში!“

ალბათ, შენც გითქვამს ეს სიტყვები, როცა სახლში არ დაგხვედრია მობინადრე, რომელმაც თავიდან ინტერესი გამოავლინა. შესაძლოა არაერთხელ მიაკითხე, მაგრამ „ჩათესილი თესლის მორწყვის“ საშუალება არ მოგეცა (1 კორ. 3:6). გამოცდილი მაუწყებლები ზოგჯერ მათ, ვინც სახლში არ ხვდებათ, კართან უტოვებენ წერილს ან ბარათს. ზოგი მაუწყებელი კი პირველივე შეხვედრაზე ტელეფონის ნომერს ართმევს მობინადრეს, ვინაიდან ფიქრობს, რომ შეიძლება გაუჭირდეს მასთან ხელმეორედ დაკავშირება. განმეორებით მონახულებად ითვლება მობინადრესთან პირადად შეხვედრა ან დამოწმების მიზნით კართან წერილის ან ბარათის დატოვება, იმეილის ან მესიჯის გაგზავნა და ტელეფონით შეხმიანება. თუ ამ მეთოდებს გამოვიყენებთ, შევძლებთ, ინტერესი გავუღვივოთ მობინადრეს იმ შემთხვევაშიც კი, თუ იგი არ გვხვდება სახლში.