დავიხვეწოთ მსახურებაში — როგორ მოვიქცეთ, როცა მობინადრე გაღიზიანებულია

რატომ არის მნიშვნელოვანი. ბევრი, ვისაც ვუქადაგებთ, თავაზიანად გვექცევა. თუმცა იესომ იწინასწარმეტყველა, რომ იქნებოდნენ ისეთებიც, ვინც შეგვიძულებდნენ (იოან. 17:14). ამიტომ, ნამდვილად არ გვიკვირს, როცა ზოგს აღიზიანებს ჩვენი დანახვა. თუ მობინადრე გვეუხეშება, ჩვენ მას ისე უნდა გავცეთ პასუხი, რომ ჩრდილი არ მიადგეს იეჰოვა ღმერთს, რომლის წარმომადგენლებადაც ვმსახურობთ (რომ. 12:17—21; 1 პეტ. 3:15). თუ ტაქტიანად მოვიქცევით, თავიდან ავირიდებთ ზედმეტ დაძაბულობას. გარდა ამისა, ეს კარგი დამოწმება იქნება როგორც მობინადრისთვის, ისე გარშემომყოფთათვის. შედეგად, მეტი იქნება იმის ალბათობა, რომ მათ შემდეგ ჯერზე მაინც მოუსმინონ კართან მისულ იეჰოვას მოწმეებს (2 კორ. 6:3).