დავიხვეწოთ ქადაგებაში — განმეორებითი მონახულება

რატომ არის მნიშვნელოვანი: ბევრი, ვინც სამეფოს შესახებ სასიხარულო ცნობით ინტერესდება, ეძებს ჭეშმარიტებას (ეს. 55:6). თუ გვინდა, რომ ამ ადამიანებმა უფრო მეტი გაიგონ, კვლავ და კვლავ უნდა მოვინახულოთ ისინი. დღეს ხალხი სხვადასხვა სირთულეს აწყდება, ამიტომ მათთან სხვადასხვა მიდგომა უნდა გამოვიყენოთ. ჩვენი ქადაგება უფრო შედეგიანი რომ იყოს, კარგად უნდა მოვემზადოთ, თითოეულ მონახულებამდე კონკრეტული მიზანი უნდა დავისახოთ და საბოლოოდ უნდა შევეცადოთ ბიბლიის შესწავლის დაწყებას.

როგორ მოვიქცეთ:

• რაც შეიძლება მალე, რამდენიმე დღეში, გააკეთე განმეორებითი მონახულება (მათ. 13:19).

• იყავი თბილი და თავაზიანი; ნუ დაიძაბები.

• გულთბილად მიესალმე; სახელით მიმართე; შეახსენე მისვლის მიზეზი — შესაძლოა გსურს ღიად დატოვებულ კითხვაზე პასუხის გაცემა, უახლესი ჟურნალის მიცემა, ჩვენი ვებ-გვერდის და რომელიმე ვიდეორგოლის ჩვენება ან გინდა, აჩვენო, როგორ ტარდება ბიბლიის შესწავლა. თუ მობინადრე სხვა საკითხს წამოჭრის, შეეცადე, ამ თემაზე ააგო საუბარი (ფილ. 2:4).

• გაუზიარე მას, ვინც ინტერესი გამოავლინა, რაიმე აზრი ბიბლიიდან ან თუ გინდა, დაუტოვე რომელიმე პუბლიკაცია და ამგვარად მორწყე მის გულში ჩათესილი ჭეშმარიტების მარცვალი (1 კორ. 3:6). შეეცადე, მისი ნდობა მოიპოვო.

• საფუძველი ჩაუყარე მომდევნო მონახულებას.