დავიხვეწოთ ქადაგებაში — ეცადეთ, ყველა მოინახულოთ თქვენს უბნებზე

რატომ არის მნიშვნელოვანი: როგორც ზაქარიამ იწინასწარმეტყველა, ხალხი ყველა ერიდან დადებითად გამოეხმაურებოდა სასიხარულო ცნობას (ზაქ. 8:23). მაგრამ ვინ ასწავლიდა მათ? (რომ. 10:13—15). ჩვენი პასუხისმგებლობაა და, ამავდროულად, დიდი პატივიც, ჩვენს უბნებზე ყველას ყურამდე მივიტანოთ სასიხარულო ცნობა (od 84 ¶10, 11).

როგორ მოვიქცეთ:

• წინასწარ მოემზადე. თუ შენს უბანზე უცხოელები ცხოვრობენ, გამოიყენე აპლიკაცია JW ენები და ისწავლე მარტივი შეთავაზება. ან შეგიძლია მოსაუბრეს მობილური მოწყობილობის დახმარებით უჩვენო, როგორ მოიძიოს მეტი ინფორმაცია თავის ენაზე ვებ-გვერდზე jw.org.

• იყავი ყურადღებით. კარდაკარ მსახურების დროს არ გაუშვა ხელიდან შესაძლებლობა, გამვლელებსაც უქადაგო და მათაც, ვინც ავტომობილში ზის და ვინმეს ელოდება. თუ საზოგადოებრივი თავშეყრის ადგილებში ქადაგებ, არ დაგავიწყდეს, რომ შენი მიზანი დამოწმებაა და ყურადღებას სხვა რამეზე ნუ გადაიტან.

• იყავი გულმოდგინე. ყველანაირად ეცადე, შეხვდე იმ ადამიანებს, რომლებიც პირველ მისვლაზე სახლში არ დაგხვდნენ. ძალ-ღონეს ნუ დაიშურებ, რომ შენს უბანზე ყველა ოჯახში დაამოწმო; ამისთვის შეგიძლია დღის სხვადასხვა მონაკვეთში ან კვირის სხვადასხვა დღეებში მიხვიდე უბანზე. ზოგი მობინადრე შესაძლოა ქუჩაში შეგხვდეს, ან შეგიძლია მათ წერილით ან ტელეფონით დაუკავშირდე.

• განმეორებით მოინახულე. თუ ვინმე ინტერესს გამოავლენს, რაც შეიძლება მალე მოინახულე. თუ ის უცხო ენაზე ლაპარაკობს, მოძებნე ისეთი მაუწყებელი, რომელსაც მის ენაზე საუბარი შეუძლია და მის დახმარებას შეძლებს. ვიდრე დაინტერესებული არ გეტყვის, რომ მას დაუკავშირდა მისივე ენაზე მოლაპარაკე მაუწყებელი, არ უნდა შეწყვიტო მისი მონახულება (od 94 ¶39, 40).

უყურე ვიდეორგოლს «ქადაგება „დედამიწის კიდით კიდემდე“» და უპასუხე ქვემოთ მოყვანილ კითხვებს:

• 

  როგორ მოემზადნენ და-ძმები იმისთვის, რომ შორეულ ტერიტორიაზე მცხოვრები ადამიანები მოენახულებინათ? (1 კორ. 9:22, 23).

• 

  რა დაბრკოლებების გადალახვა მოუწიათ მათ?

• 

  როგორ დაჯილდოვდა მათი მცდელობა?

• რის გაკეთება გმართებს იმისთვის, რომ რაც შეიძლება მეტი ადამიანი მოინახულო შენს უბანზე?