ᲥᲠᲘᲡᲢᲘᲐᲜᲣᲚᲘ ᲪᲮᲝᲕᲠᲔᲑᲐ | ᲓᲐᲘᲡᲐᲮᲔᲗ ᲛᲘᲖᲜᲔᲑᲘ ᲐᲮᲐᲚᲘ ᲡᲐᲛᲡᲐᲮᲣᲠᲔᲑᲠᲘᲕᲘ ᲬᲚᲘᲡᲗᲕᲘᲡ

იქ გადასვლა, სადაც მქადაგებლების დიდი საჭიროებაა

რწმენაა საჭირო, რომ დატოვო სახლი, მეგობრები და მსახურების მიზნით უცხო ტერიტორიაზე გადახვიდე (ებრ. 11:8—10). თუ იქ გადასვლაზე ფიქრობთ, სადაც მქადაგებლების დიდი საჭიროებაა, დაელაპარაკეთ უხუცესებს. როგორ უნდა შეარჩიოთ ტერიტორია და განსაზღვროთ, რამდენად შეძლებთ ამ მიზნის მიღწევას? გაეცანით ამ საკითხთან დაკავშირებულ სტატიებს და გაიგეთ, რას ფიქრობენ ისინი, ვინც დაშორებულ ტერიტორიაზე მსახურობენ (იგავ. 15:22). იეჰოვას სთხოვეთ ხელმძღვანელობა (იაკ. 1:5). მოიძიეთ ინფორმაცია იმ ტერიტორიის შესახებ, სადაც გადასვლას ფიქრობთ. გადაწყვეტილების მიღებამდე კარგი იქნება, თუ რამდენიმე დღით ესტუმრებით იქაურობას.

ᲣᲧᲣᲠᲔᲗ ᲕᲘᲓᲔᲝᲠᲒᲝᲚᲡ „ᲠᲬᲛᲔᲜᲘᲗ ᲨᲔᲓᲘᲗ ᲛᲡᲐᲮᲣᲠᲔᲑᲘᲡᲗᲕᲘᲡ ᲤᲐᲠᲗᲝᲓ ᲒᲐᲮᲡᲜᲘᲚ ᲙᲐᲠᲨᲘ — ᲒᲐᲓᲐᲓᲘᲗ ᲘᲥ, ᲡᲐᲓᲐᲪ ᲛᲥᲐᲓᲐᲒᲔᲑᲚᲔᲑᲘᲡ ᲓᲘᲓᲘ ᲡᲐᲭᲘᲠᲝᲔᲑᲐᲐ“, ᲓᲐ ᲣᲞᲐᲡᲣᲮᲔᲗ ᲨᲔᲛᲓᲔᲒ ᲙᲘᲗᲮᲕᲐᲡ:

რა ცვლილებები უნდა მოეხდინა გაბრიელს და რა დაეხმარა ამაში?

თუ ახლომდებარე კრებაში ფიქრობთ გადასვლას, სადაც მქადაგებლების საჭიროებაა, დაელაპარაკეთ სარაიონო ზედამხედველს. თუ შედარებით შორსმდებარე კრებების შესახებ გაინტერესებთ ინფორმაცია, თქვენი კრების სამსახურებრივი კომიტეტის მეშვეობით წერილი მისწერეთ ფილიალს; ხოლო თუ იმ ტერიტორიაზე გეგმავთ გადასვლას, რომელსაც თქვენი ქვეყნის ფილიალი არ ზედამხედველობს, წერილი მისწერეთ იმ ტერიტორიაზე პასუხისმგებელ ფილიალს. თუ რომელიმე კონკრეტულ ტერიტორიას ამჯობინებთ, კარგი იქნება, თუ წერილში მოიხსენიებთ.