რატომ არ უჩანს ბოლო შეიარაღებულ კონფლიქტებს?

ᲪᲝᲓᲕᲐ

ღმერთმა პირველი ადამიანები, ადამი და ევა, თავის მსგავსებად შექმნა (დაბადება 1:27). მან მათში იმის ბუნებრივი სურვილი ჩადო, რომ მასავით მოსიყვარულეები და მშვიდობისმყოფელები ყოფილიყვნენ (1 კორინთელები 14:33; 1 იოანე 4:8). მაგრამ ისინი არ დაემორჩილნენ ღმერთს და შესცოდეს. შედეგად, მათმა ყველა შთამომავალმა მემკვიდრეობით ცოდვა და სიკვდილი მივიღეთ (რომაელები 5:12). სამწუხაროდ, ცოდვის გამო აგრესიისა და ძალადობისკენ ვართ მიდრეკილი (დაბადება 6:5; მარკოზი 7:21, 22).

ᲛᲗᲐᲕᲠᲝᲑᲔᲑᲘ

ღმერთს ადამიანები სხვების მართვის უნარით არ შეუქმნია. ბიბლიაში წერია: „ადამიანის ნებაზე არ არის მისი გზა; კაცს საკუთარი ცხოვრების წარმართვა არ შეუძლია“ (იერემია 10:23). სწორედ ეს არის იმის მიზეზი, რომ მთავრობებს არ შესწევთ ძალა, წერტილი დაუსვან ომებსა და ძალადობას.

ᲡᲐᲢᲐᲜᲐ ᲓᲐ ᲓᲔᲛᲝᲜᲔᲑᲘ

ბიბლიის თანახმად, „ქვეყნიერება ბოროტის ხელშია“ (1 იოანე 5:19). აქ მოხსენიებულ „ბოროტში“ სატანა იგულისხმება, რომელსაც ბიბლია „კაცისმკვლელსაც“ უწოდებს (იოანე 8:44). ომებისა და ძალადობის მიღმა სწორედ სატანა და დემონები ანუ სხვა ბოროტი სულიერი ქმნილებები დგანან (გამოცხადება 12:9, 12).