დაიმახსოვრეთ ბიბლიური მუხლები

ყველას გვაქვს საყვარელი ბიბლიური მუხლები, რომლებიც გვანუგეშებს, არასწორი ფიქრების მოშორებაში ან სხვების გამხნევებაში გვეხმარება. მაგრამ ზოგჯერ ხომ არ გიჭირთ მათი გახსენება? (ფსალმ. 119:11, 111). განვიხილოთ რამდენიმე რჩევა, რომლებიც მუხლების დამახსოვრებას გაგიადვილებთ.

• აპლიკაციაში JW ბიბლიოთეკა გამოიყენეთ ტეგები. შექმენით ტეგი „საყვარელი მუხლები“ და ამ კატეგორიაში დაამატეთ სასურველი მუხლები.a

• გამოსაჩენ ადგილას გააკარით. ქაღალდზე დაწერეთ მუხლი, რომლის დამახსოვრებაც გსურთ და ისეთ ადგილას გააკარით, სადაც ხშირად მოგხვდებათ თვალში. ზოგი, მაგალითად, სარკეზე აკრავს, ზოგი კი – მაცივარზე. ზოგსაც ურჩევნია, ტელეფონის ან კომპიუტერის ეკრანზე ფონად დააყენოს.

• გამოიყენეთ ბარათები. ბარათის ერთ მხარეს დაწერეთ მუხლი, მეორე მხარეს კი – მუხლის ტექსტი. შემდეგ შეეცადეთ, მუხლით გაიხსენოთ, რა წერია მასში ან, პირიქით, ტექსტით გაიხსენოთ, სად წერია.