საგუშაგო კოშკის ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ
საგუშაგო კოშკი
ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ
ქართული
  • ᲑᲘᲑᲚᲘᲐ
  • ᲞᲣᲑᲚᲘᲙᲐᲪᲘᲔᲑᲘ
  • ᲨᲔᲮᲕᲔᲓᲠᲔᲑᲘ
  • ijwyp სტატია 93
  • როგორ დავიკლო წონაში?

ვიდეო არ არის ხელმისაწვდომი.

ბოდიშს გიხდით, ვიდეოს ჩამოტვირთვა ვერ მოხერხდა.

  • როგორ დავიკლო წონაში?
  • ახალგაზრდების შეკითხვები
  • ქვესათაურები
  • მსგავსი მასალა
  • ნამდვილად მჭირდება წონაში დაკლება?
  • რომელია წონაში დაკლების ყველაზე კარგი მეთოდი?
  • სამოქმედო გეგმა
  • როგორ ვიკვებო სწორად და ჯანსაღად?
    ახალგაზრდების შეკითხვები
  • როგორ მოვიქცე, თუ ჩემი გარეგნობა არ მომწონს?
    ახალგაზრდების შეკითხვები — პრაქტიკული რჩევები, ტომი 2
  • ჯერ რა დროს ჯანმრთელობაზე ზრუნვაა?!
    გამოიღვიძეთ! — 2010
  • რატომ უნდა ვიზრუნო ჩემს ჯანმრთელობაზე?
    ახალგაზრდების შეკითხვები — პრაქტიკული რჩევები, ტომი 1
იხილეთ მეტი
ახალგაზრდების შეკითხვები
ijwyp სტატია 93
ბიჭი სარკეში თავის მუცელს აკვირდება

ახალგაზრდების შეკითხვები

როგორ დავიკლო წონაში?

  • ნამდვილად მჭირდება წონაში დაკლება?

  • რომელია წონაში დაკლების ყველაზე კარგი მეთოდი?

  • სამოქმედო გეგმა

  • რას ამბობენ შენი თანატოლები

ნამდვილად მჭირდება წონაში დაკლება?

ზოგ ახალგაზრდას წონაში დაკლება უნდა, თუმცა ...

  • ბევრს ჯანმრთელობაზე მეტად გარეგნობა აღელვებს. ზოგი წონაში დასაკლებად სწრაფ მეთოდებს მიმართავს, მაგალითად გასახდომ აბებს სვამს ან უარს ამბობს საუზმეზე, სადილზე ან ვახშამზე. ხშირ შემთხვევაში ასეთი მეთოდები არა მხოლოდ უშედეგო, არამედ საზიანოცაა.

    „ხშირად გოგოები შიმშილობენ, რომ რაც შეიძლება სწრაფად მიაღწიონ სასურველ შედეგს. თუმცა უმეტეს შემთხვევაში ასეთი მეთოდით ზიანს აყენებენ საკუთარ ჯანმრთელობას, რის გამოსწორებასაც ძალიან დიდი დრო სჭირდება“ (ჰეილი).

  • ბევრი უმიზეზოდ წუხს საკუთარ წონაზე. მიუხედავად იმისა, რომ ზედმეტი წონა სულაც არა აქვთ, ზოგს თავი მსუქანი ჰგონია, რადგან თავს თანატოლებს ან მედია საშუალებებში წარმოჩენილ „იდეალური“ წონის მქონე ადამიანებს ადარებს.

    „13 წლის რომ ვიყავი, საკუთარ თავს სულ მეგობრებს ვადარებდი. მეგონა, რომ, თუ მათსავით ჩხირივით გამხდარი ვიქნებოდი, უფრო მოვეწონებოდი“ (პაოლა).

თუმცა ზოგ ახალგაზრდას ნამდვილად სჭირდება წონაში დაკლება. ჯანმრთელობის დაცვის მსოფლიო ორგანიზაციის მონაცემებით ...

  • მთელ მსოფლიოში 5—19 წლამდე ასაკის დაახლოებით 340 მილიონ ადამიანს ჭარბი წონა აქვს.

  • 1975 წელს იმავე ასაკობრივი ჯგუფის მხოლოდ 4 პროცენტს აღენიშნებოდა ჭარბი წონა, 2016 წლისთვის კი ეს მაჩვენებელი 18 პროცენტამდე გაიზარდა.

  • თითქმის მთელ მსოფლიოში ადამიანებს ჭარბწონიანობისკენ უფრო აქვთ მიდრეკილება, ვიდრე მეტისმეტი სიგამხდრისკენ.

  • ჭარბწონიანობის პრობლემა დაბალი შემოსავლის მქონე ქვეყნებშიც გახშირდა. სიმსუქნეს ისინიც უჩივიან, ვინც არასრულფასოვნად იკვებება.

რომელია წონაში დაკლების ყველაზე კარგი მეთოდი?

შენ რომელ მეთოდს აირჩევდი?

  1. საუზმის, სადილის ან ვახშმის გამოტოვება.

  2. ვარჯიშის დაბალანსებულ კვებასთან შეთავსება.

  3. გასახდომი აბების მიღება.

სწორი პასუხია მეორე: ვარჯიშის დაბალანსებულ კვებასთან შეთავსება.

თუ საუზმეზე, სადილზე ან ვახშამზე უარს იტყვი ან საერთოდ გამორიცხავ საკვები პროდუქტების რომელიმე ჯგუფს, შეიძლება შედეგი მალე მიიღო, მაგრამ ზიანი მიაყენო შენს ჯანმრთელობას. როცა კვების ჩვეულ რეჟიმს დაუბრუნდები, შეიძლება მოიმატო კიდეც.

მეორე მხრივ, თუ მიზნად დაისახავ, რომ ჯანმრთელობაზე იზრუნო, თავს უკეთესადაც იგრძნობ და საკუთარი გარეგნობითაც კმაყოფილი იქნები. ფსიქოლოგიის დოქტორი მაიკლ ბრედლი წერს: „გრძელვადიანი შედეგი რომ მიიღო, ყველაზე უსაფრთხო და ჯანსაღი მეთოდი უნდა აირჩიო, ანუ ისეთი ცვლილებები უნდა შეიტანო ცხოვრების წესში, რომელთა მიყოლასაც სიცოცხლის ბოლომდე შეძლებ“.a სხვა სიტყვებით რომ ვთქვათ, თუ წონაში დაკლება გჭირდება, დიეტაზე კი არა, ცხოვრების წესის შეცვლაზე უნდა იფიქრო.

სამოქმედო გეგმა

ბიბლია მოგვიწოდებს, ვიყოთ ზომიერები. ეს რჩევა კვებასაც ეხება (1 ტიმოთე 3:11). ბიბლია პირდაპირ გვეუბნება, რომ უნდა მოვერიდოთ გადამეტებულ ჭამას (იგავები 23:20; ლუკა 21:34). თუ ამ ბიბლიურ პრინციპებსა და ქვემოთ მოყვანილ რჩევებს გაითვალისწინებ, უფრო ჯანსაღი ცხოვრების წესი გექნება.

  • ბიჭი ჰამბურგერს გამადიდებლით აკვირდება

    გაიგე, რა იგულისხმება სწორ კვებაში.

    აუცილებელი არაა, ყველაფერი ზედმიწევნით იცოდე, მაგრამ კვების შესახებ ზოგადი ინფორმაცია დაგეხმარება, სწორად იკვებო. დაბალანსებული კვება კი ერთ-ერთი საუკეთესო მეთოდია ჯანსაღი წონის შესანარჩუნებლად.

  • ბიჭი სწრაფი ნაბიჯით მიდის

    რეგულარულად ივარჯიშე.

    დაფიქრდი, დღის განმავლობაში რისი გაკეთება შეგიძლია, რომ უფრო აქტიური იყო. მაგალითად, ლიფტს კიბით სარგებლობა არჩიე, ვიდეოთამაშებს კი — ნახევარი საათით სუფთა ჰაერზე სწრაფი ნაბიჯით სიარული.

  • ბიჭი არაჯანსაღ საკვებს ჯანსაღით ანაცვლებს

    არაჯანსაღი პროდუქტები ჯანსაღი საკვებით ჩაანაცვლე.

    „სადაც არ უნდა ვიყო, ვცდილობ, წასახემსებლად ხილი ან ბოსტნეული ვიქონიო თან. ეს მეხმარება, ნაკლებად ვიკვებო არაჯანსაღი პროდუქტებით“, — ამბობს სოფია.

  • ბიჭი საჭმლის დამატებაზე უარს ამბობს

    ნელა ჭამე.

    ზოგი ისე სწრაფად ჭამს, ვერც კი ხვდება, რომ დანაყრდა. ასე რომ, ნელა ჭამე. მალევე ნუ დაიმატებ საჭმელს. ცოტას თუ მოიცდი, შეიძლება მიხვდე, რომ უკვე დანაყრდი და დამატება აღარ გინდა.

  • ბიჭი ეტიკეტზე დატანებულ ინფორმაციას კითხულობს

    აკონტროლე კალორიების რაოდენობა.

    იმისათვის, რომ გაიგო, რამდენ კალორიას შეიცავს ესა თუ ის პროდუქტი, წაიკითხე ეტიკეტზე დატანებული ინფორმაცია. ცნობისთვის: გაზიანი სასმელები, ტკბილი წვენები, სწრაფი კვების პროდუქტები და დესერტები მაღალკალორიულია და ხშირ შემთხვევაში წონაში მომატების მთავარი მიზეზი ხდება.

  • თამაშის შემდეგ ბიჭი ნაყინს ჭამს

    იყავი გაწონასწორებული.

    16 წლის სარა ამბობს: „რაღაც პერიოდი იმდენად ვიყავი შეპყრობილი კალორიების დათვლით, რომ თეფშზე საჭმელს კი არა, ციფრებს ვხედავდი“. ნუ გახდები „კალორიების ბუღალტერი“. არაფერი დაშავდება, თუ ზოგჯერ მაღალკალორიულ საკვებსაც მიირთმევ.

რჩევა: ესაუბრე ექიმს წონასთან დაკავშირებულ პრობლემაზე. შენი ჯანმრთელობის მდგომარეობის გათვალისწინებით ის დაგეხმარება, ისეთი ცვლილებები შეიტანო ცხოვრების წესში, რომლებიც შენს ჯანმრთელობაზე დადებითად აისახება.

რას ამბობენ შენი თანატოლები

ნიკი

„ძალიან მარტივია, ისეთივე შეხედულება ჩამოგიყალიბდეს სრულყოფილ სხეულზე, როგორიც მასმედიაშია გავრცელებული. შედეგად, შეიძლება სარკეში ჩახედვისას იმედგაცრუება დაგეუფლოს. მაგრამ ფაქტია, გარეგნულად ყველანი განვსხვავდებით ერთმანეთისგან. თუ ყველაფერს გავაკეთებთ, რომ ჯანმრთელები ვიყოთ, გარეგნობაზე ნაკლებად ვიწუხებთ“ (ნიკი).

ლორენცო

„როცა წინასწარ არ ვგეგმავ, რას და როდის შევჭამ, სწრაფი კვების პროდუქტებით ვიკვებები ხოლმე, რაც ხშირ შემთხვევაში არაჯანსაღიცაა და ძვირიც. ძალიან მიყვარს კარდიო ვარჯიშები, რის შემდეგაც თავს ენერგიულად ვგრძნობ. მაგრამ, როცა წინასწარ არ ვგეგმავ ვარჯიშს, დრო სხვა რამეში მეხარჯება“ (ლორენცო).

შეჯამება: როგორ დავიკლო წონაში?

შეეცადე, დიეტაზე კი არა, ცხოვრების წესის შეცვლაზე იფიქრო. ეს რომ შეძლო, გაითვალისწინე შემდეგი რჩევები:

  • გაიგე, რა იგულისხმება სწორ კვებაში. კვების შესახებ ზოგადი ინფორმაცია დაგეხმარება, სწორად იკვებო.

  • რეგულარულად ივარჯიშე. დაფიქრდი, დღის განმავლობაში რისი გაკეთება შეგიძლია, რომ უფრო აქტიური იყო.

  • არაჯანსაღი პროდუქტები ჯანსაღი საკვებით ჩაანაცვლე. სადაც არ უნდა იყო, შეეცადე, წასახემსებლად ხილი ან ბოსტნეული იქონიო თან. შედეგად, ნაკლებად გაგიწევს გული არაჯანსაღი პროდუქტებისკენ.

  • ნელა ჭამე. აუჩქარებლად მიირთვი საჭმელი და მალევე ნუ დაიმატებ. ცოტას თუ მოიცდი, შეიძლება მიხვდე, რომ უკვე დანაყრდი.

  • აკონტროლე კალორიების რაოდენობა. წაიკითხე ეტიკეტზე დატანებული ინფორმაცია და აკონტროლე კალორიების რაოდენობა.

  • იყავი გაწონასწორებული. მართალია, კალორიების რაოდენობა უნდა აკონტროლო, მაგრამ უკიდურესობაში ნუ გადავარდები.

a ამონარიდი წიგნიდან When Things Get Crazy With Your Teen.

    ქართული პუბლიკაციები (1992—2026)
    გამოსვლა
    შესვლა
    • ქართული
    • გაზიარება
    • პარამეტრები
    • Copyright © 2025 Watch Tower Bible and Tract Society of Pennsylvania
    • ვებგვერდით სარგებლობის წესები
    • კონფიდენციალურობის პოლიტიკა
    • უსაფრთხოების პარამეტრები
    • JW.ORG
    • შესვლა
    გაზიარება