მოემზადე აპრილში ჟურნალებით მსახურებისთვის

როგორც ჩვენს „1996 წლის კალენდარშია“ მითითებული, წელს უფლის სერობა ჩატარდება 2 აპრილს. ამ დიდებული შემთხვევით გამხნევებულებმა, მოდი, აპრილის თვეში ყველამ, როგორც ერთმა, გულმოდგინედ მივიღოთ მონაწილეობა ჟურნალების გავრცელებაში. რამდენად დროული ჟურნალები იქნება გამოყენებული! პირველი აპრილის „საგუშაგო კოშკი“ ყურადღებას გაამახვილებს საჯარო მოხსენების თემაზე, „განადიდე მარადისობის მეფე!“, რომელიც გასული წლის საოლქო კონგრესზე იყო წარმოთქმული. „საგუშაგო კოშკის“ 1 მაისის გამოცემა კი დაფუძნებული იქნება წინა აპრილის სპეციალური საჯარო მოხსენების თემაზე: „ცრუ რელიგიის აღსასრული ახლოსაა“. მიმდინარე წლის სპეციალურმა საჯარო მოხსენებამ, „უმწიკვლოების შენარჩუნება უკეთურ მოდგმაში“, რომელიც 21 აპრილს იქნება წარმოდგენილი, მზარდი სტიმული უნდა მოგვცეს სამეფო საქმისთვის. ჩვენს ყურადღებას მიიქცევს 22 აპრილის „გამოიღვიძეთ!“ თემით: „როცა მეტად აღარ იქნება ომები“ (რუს.).

როგორც გასული წლის აპრილის „სამეფოს შესახებ ცნობის“ კამპანიის გაგრძელება, ეს აპრილიც განსაკუთრებული თვე უნდა იყოს ჟურნალების გავრცელებისთვის. ახლა დროა, რომ გეგმები დავისახოთ. მრავალს სურს, შეუერთდეს დამხმარე პიონერებს. აპრილისა და მაისის ჟურნალების დამატებითი ეგზემპლარები საჭიროების მიხედვით უნდა იყოს გამოწერილი. „ჟურნალების დღეებისთვის“ გეგმები შეიძლება ისე დაისახოს, რომ ყველას შეეძლოს მონაწილეობის მიღება — დილით, შუადღისას, საღამოს. დაე, ყოველი ჩვენგანი ‘იყოს სიტყვის შემსრულებელი’. როგორც მესიის შესახებ იყო ნაწინასწარმეტყველები ფსალმუნის 68:10-ში, დაე, ჩვენც ასევე შეგვეძლოს თქმა: „შენი სახელის [სახლის, აქ] შურმა დამღრღნა მე“ (იაკ. 1:22; იოან. 2:17).