ზედამხედველები, რომლებიც ხელმძღვანელობას სწევენ — კრების წიგნის შესწავლის ხელმძღვანელი
1 უნარიანი უხუცესისთვის ან სამსახურებრივი თანაშემწისთვის კრების წიგნის შესწავლის ხელმძღვანელად მსახურება უდიდესი უპირატესობაა. ჯგუფის წევრების სულიერ მოთხოვნილებებზე ზრუნვა სერიოზული პასუხისმგებლობაა. მისი მოვალეობები შეიძლება დაიყოს სამ ნაწილად.
2 უნარიანი მასწავლებელი. კრების წიგნის შესწავლის ხელმძღვანელისგან მოითხოვება გულდასმით მომზადება, რათა ჯგუფს ყოველკვირეულად შემატოს ცოდნა. ის ცდილობს გაზარდოს განსახილველი მასალის გაგება. ის სულ თვითონ არ ლაპარაკობს შესწავლის დროს, არამედ, საჭიროების შემთხვევაში, გაკვეთილის ძირითადი საკითხების ამოსაწურად სვამს დამატებით კითხვებს. მისი ამოცანაა: შესწავლა საინტერესო და სასარგებლო გახადოს და ყველა ჩართოს განხილვაში. მისი მიზანია: სულიერად დამოძღვროს ჯგუფის წევრები, აღნიშნოს მასალის პრაქტიკული მხარეები და ისე გადმოსცეს, რომ მისწვდეს როგორც გონებას, ასევე გულს (1 თეს. 2:13).
3 მწყემსი. კრების წიგნის შესწავლის ხელმძღვანელი არის „საფარი ქარში, თავშესაფარი ავდარში“ (ეს. 32:2). ის ნამდვილად ზრუნავს ყველაზე ჯგუფში და თუ რომელიმე მათგანი დამწუხრებულია, ცდილობს სულიერი დახმარების აღმოჩენას (ეზეკ. 34:15, 16; 1 თეს. 2:7, 8).
4 გულმოდგინე მქადაგებელი. კრების წიგნის შესწავლის ხელმძღვანელი კეთილსინდისიერად ცდილობს პრაქტიკული ღონისძიებების მოწყობას, რათა ყველამ შეძლოს მონაწილეობა სამქადაგებლო მსახურებაში. ის სამაგალითო მქადაგებელია, რადგან იცის, რომ მისი რეგულარულობა, მონდომება და ენთუზიაზმი ჯგუფის სხვა წევრებზეც აირეკლება (კოლ. 4:17; 2 თეს. 3:9). დროდადრო ჯგუფის ყველა წევრთან ცდილობს სამქადაგებლო მსახურებაში მონაწილეობას. კრების წიგნის შესწავლის ხელმძღვანელი ქადაგებისა და სწავლების უნარის გაუმჯობესებაშიც დაგვეხმარება (1 ტიმ. 4:16; 2 ტიმ. 4:5).
5 ჩვენ ნამდვილად კურთხეული ვართ ძღვენით ადამიანთა სახით, რომლებიც მზად არიან სულიერი დახმარებისა და მოსიყვარულე მხარდაჭერის აღმოსაჩენად (1 თეს. 5:14). მოდი წიგნის შესწავლასა და სამქადაგებლო მსახურებაში რეგულარული მონაწილეობით გამოვხატოთ ჩვენი მადლიერება იეჰოვას მიერ ბოძებული ამ დიდებული ღონისძიებისადმი (ებრ. 10:25).