გამოიყენე ახალი სტატიები ბიბლიის შესწავლების დასაწყებად
1. რა გამოჩნდება „საგუშაგო კოშკის“ ფართო მკითხველისთვის განკუთვნილ გამოცემაში და რა მიზანს მოემსახურება ის?
1 მომდევნო თვიდან „საგუშაგო კოშკის“ ფართო მკითხველისთვის განკუთვნილ გამოცემაში გამოჩნდება ახალი სტატიების სერია, რომელიც ბიბლიის შესწავლების დაწყებაში დაგვეხმარება. მათი სათაურია „ისწავლეთ ღვთის სიტყვიდან“. მართალია ზოგი ჩვენს ტერიტორიაზე სიამოვნებით წაიკითხავს ამ სტატიებს, ისინი ძირითადად მობინადრესთან მსჯელობისთვის იქნება განკუთვნილი.
2. რა თავისებურებები აქვს ახალ სტატიებს?
2 ახალი სტატიების თავისებურებანი: თითოეული სტატიის სათაური და ქვესათაურები კითხვით ფორმაშია, რათა მობინადრეს მსჯელობის დროს დავუსვათ. ძირითადი მუხლები მითითებულია და არა ციტირებული; ასე რომ, მობინადრეს შეუძლია ისინი პირდაპირ ღვთის სიტყვიდან წაიკითხოს. აბზაცები მოკლეა და მათი განხილვა კართანვე შეიძლება. თითოეული სტატია დაკავშირებულია წიგნთან „რას გვასწავლის ბიბლია?“ და დაგეხმარებათ, შესაფერის დროს მის შესწავლაზე გადახვიდეთ.
3. როგორ შეგვიძლია ამ სტატიების სერიით კართანვე დავიწყოთ ბიბლიის შესწავლა?
3 როგორ გამოვიყენოთ: ჟურნალის შეთავაზების დროს შეგიძლია მობინადრეს ინტერესის აღმძვრელი კითხვა დაუსვა სტატიიდან. მაგალითად, 1 იანვრის გამოცემა ბიბლიის ფასეულობას ეხება. შეგიძლია მობინადრეს ჰკითხო: „თქვენთვის ბიბლია ღვთის სიტყვაა, თუ უბრალოდ კარგი წიგნი? [დაელოდე, გიპასუხოს]. ამ საკითხთან დაკავშირებით საინტერესო ინფორმაცია მაქვს“. აჩვენე პირველი კითხვა, წაუკითხე პირველი აბზაცი და იქ მოცემული მუხლი. კიდევ ერთხელ წაიკითხე კითხვა და სთხოვე მობინადრეს, თავისი აზრი გამოთქვას. განიხილე სათანადო რაოდენობის მასალა და მსჯელობისთვის დანომრილი კითხვები გამოიყენე. წამოსვლამდე ყურადღება გაუმახვილე შემდეგ კითხვაზე და მის განსახილველად კონკრეტულ დღეზე შეუთანხმდი. „საგუშაგო კოშკის“ შემდეგი ნომრის მიტანამდე, შეეცადე, ყოველკვირა მიხვიდე და სტატიიდან თითო კითხვა განიხილო. კიდევ ერთი საშუალებაა, პირდაპირ შესთავაზო მობინადრეს ბიბლიის შესწავლა და შემდეგ ამ სტატიის დახმარებით უჩვენო, როგორ ტარდება ის.
4. როგორ შეგვიძლია ამ სტატიების გამოყენება განმეორებითი მონახულებების დროს?
4 ეს სტატიები შეგიძლია ეფექტურად გამოიყენო მათთან, ვისაც რეგულარულად აწვდი ჟურნალებს და განმეორებითი მონახულებების დროს. შეგიძლია მობინადრეს უბრალოდ უთხრა: «ეს „საგუშაგო კოშკის“ ახალი რუბრიკაა, შემიძლია გაჩვენოთ, როგორ ხდება მისი განხილვა». ვლოცულობთ, რომ სტატიების ეს ახალი სერია კიდევ ბევრს დაეხმაროს „ჭეშმარიტების საფუძვლიანი ცოდნის“ მიღებაში (1 ტიმ. 2:4).