დავიხვეწოთ ქადაგებაში — დაეხმარე ბიბლიის შემსწავლელებს, განივითარონ შესწავლისთვის საჭირო უნარ-ჩვევები
რატომ არის მნიშვნელოვანი: ბიბლიის შემსწავლელებმა სულიერ მოწიფულობას რომ მიაღწიონ, მათ თავიანთი გონება და გული მხოლოდ ბიბლიის ძირითადი სწავლებებით არ უნდა კვებონ (ებრ. 5:12—6:1). სწავლას ძალისხმევა სჭირდება; ამაში შედის ახალი ინფორმაციის ნასწავლთან დაკავშირება და მისი პრაქტიკული ღირებულების განსაზღვრა (იგავ. 2:1—6). პირადი კვლევისთვის საჭირო უნარების გამომუშავება ბიბლიის შემსწავლელს დაეხმარება, რომ საინტერესო კითხვებზე ჩვენი პუბლიკაციებიდან მიიღოს პასუხები. ძალისხმევა, რომელსაც ისინი მოახმარენ ნასწავლის ცხოვრებაში გამოყენებას, მათ, როგორც ქრისტიანებს, მომავალი განსაცდელების გადასატანად საჭირო სიმტკიცეს შესძენს (ლუკ. 6:47, 48).
კარგი იქნება, თუ ამ თვეში ასე მოიქცევი:
ყოველი ქვესათაურის ან თავის ბოლოს, უთხარი ბიბლიის შემსწავლელს, რომ რამდენიმე წინადადებით შეაჯამოს ნასწავლი მასალა. თუ ბიბლიის შემსწავლელი არ გყავს, ბიბლიიდან გარკვეული მონაკვეთის ან „საგუშაგო კოშკიდან“ რომელიმე აბზაცის წაკითხვის შემდეგ რამდენიმე წინადადებით გადმოეცი წაკითხული, რათა გაიუმჯობესო ტექსტის ანალიზის უნარი.