ემზადები გახსენების საღამოსთვის?

იდგა ახ. წ. 33 წლის 13 ნისანი. იესომ უწყოდა, რომ ახლოვდებოდა მისი მოწამებრივი აღსასრული და მოციქულებთან ურთიერთობისთვის ბოლო საღამოღა რჩებოდა. მას ბოლოჯერ უნდა აღენიშნა პასექი და საფუძველი ჩაეყარა ახალი დღესასწაულისთვის — თავისი სიკვდილის გახსენების საღამოსთვის. ასეთი მნიშვნელოვანი მოვლენა უდავოდ სამზადისს მოითხოვდა. ამიტომ მან პეტრესა და იოანეს დაავალა, თადარიგი დაეჭირათ (ლუკ. 22:7—13). ამ წლიდან მოყოლებული ქრისტიანებს ყოველწლიურად მოეთხოვებათ უფლის გახსენების საღამოს აღნიშვნა და ამისთვის სათანადოდ მომზადება (ლუკ. 22:19). რის გაკეთება გვმართებს, რომ ჩვენც ღირსეულად მოვემზადოთ გახსენების საღამოსთვის, რომელიც წელს 3 აპრილს აღინიშნება?

უხუცესებო:

წინასწარ იზრუნეთ იმაზე, თუ სად ჩაატარებთ გახსენების საღამოს, თქვენს სამეფო დარბაზში თუ სხვა შესაფერის ადგილას. ყურადღება მიაქციეთ, რომ დარბაზში იყოს კარგი განათება, ვენტილაცია და საკმარისი რაოდენობის ადგილი დამსწრეთათვის. დაიჭირეთ თადარიგი, რომ შეხვედრამდე დარბაზი კარგად დალაგდეს.
შეარჩიეთ შესაფერისი მომხსენებელი და თავმჯდომარე; აგრეთვე ის ძმები, რომლებიც სიმბოლოების ჩამოტარებამდე ილოცებენ.
თუ ერთი და იმავე დარბაზით რამდენიმე კრება ისარგებლებს, შეთანხმდით შეხვედრების დაწყებისა და დასრულების დროზე, რათა სხვადასხვა კრების წევრებმა ერთმანეთს ხელი არ შეუშალონ; ამასთანავე, ყურადღება მიაქციეთ, რომ არ შეიქმნას პრობლემები ავტოსადგომზე.
შეარჩიეთ ძმები, რომლებიც სიმბოლოების გადაწოდებაზე იქნებიან პასუხისმგებელნი და ისინი, ვინც მომწესრიგებლებად იმსახურებენ.
იზრუნეთ, რომ გახსენების საღამოსთვის გქონდეთ სუფთა წითელი ღვინო და უფუარი პური; აგრეთვე შესაფერისი თეფშები, სასმისები, მაგიდა და მაგიდის გადასაფარებელი.

მაუწყებლებო:

პირადი საქმეები ისე დაგეგმეთ, რომ სრულად ჩაებათ გახსენების საღამოს კამპანიაში.
შეადგინეთ სია და გახსენების საღამოზე მოიწვიეთ ბიბლიის შემსწავლელები, ოჯახის წევრები, ნათესავები, თანასკოლელები, თანამშრომლები და ნაცნობები.
წაიკითხეთ გახსენების საღამოსთვის განკუთვნილი ბიბლიური მონაკვეთები და იფიქრეთ წაკითხულზე.
განეწყვეთ იმისთვის, რომ გახსენების საღამოზე მოსულ სტუმრებს გულთბილად შეხვდეთ.