როგორ შეიძლება ოჯახის სულიერად გაძლიერება?

¹ ქრისტიან ოჯახებს დავალებული აქვთ, რომ „ისწავლონ თავიანთი ოჯახის პატივისცემა“ (1 ტიმოთე 5:4). მიუხედავად იმისა, რომ ჩვენზე ბევრი ისეთი რამ ახდენს გავლენას, რასაც ჩვენი რწმენის დასუსტება შეუძლია, მნიშვნელოვანია, ოჯახებმა ყოველი ღონე იხმარონ, რათა სულიერი სიძლიერე შეინარჩუნონ. როგორ შეიძლება ამის გაკეთება?

² ქრისტეს მსგავსად მეთაურობის გაწევა: ოჯახის თავებმა იესოს მაგალითს უნდა მიჰბაძონ თავიანთი პასუხისმგებლობის — ოჯახის გაძლიერებაზე ზრუნვისას. გარდა იმისა, რომ იესომ ჩვენი გულისთვის გასწირა თავი და ამით ჩვენ მიმართ სიყვარული გამოავლინა, ის ყოველთვის „კვებავს და უვლის“ კრებას (ეფეს. 5:25—29). მოსიყვარულე მშობლები იესოს მაგალითს ჰბაძავენ, როდესაც ყოველდღიურად თავიანთი ოჯახის სულიერი საზრდოთი მომარაგებაზე ზრუნავენ. ამაში შედის ყოველკვირეულად ბიბლიის ოჯახური შესწავლის ჩატარება; შეძლებისდაგვარად, სულიერი საკითხების კარგად, გააზრებულად განხილვა და წამოჭრილ პრობლემებზე მსჯელობა (რჯლ. 6:6, 7).

³ სამქადაგებლო მსახურებაში: ოჯახის თითოეულმა წევრმა უნდა იცოდეს, რომ იეჰოვასა და მისი განზრახვების შესახებ სხვებისთვის ქადაგება მათი თაყვანისცემის მნიშვნელოვანი ნაწილია (ეს. 43:10—12). მშობლებო, თუ გსურთ, რომ თქვენი შვილები იეჰოვას ერთგული მოწმეები იყვნენ, მსახურებისთვის მათი მომზადება ადრეული ასაკიდანვე უნდა დაიწყოთ. აუხსენით, რატომ არის საჭირო თავდაუზოგავი მსახურება და ყოველკვირა ქადაგება (მათ. 22:37—39). ეცადეთ, ისე დაგეგმოთ, რომ სამქადაგებლო მსახურებაში მათთან ერთად რეგულარულად მიიღოთ მონაწილეობა.

⁴ ყოველკვირეული ოჯახური შესწავლისას გამოყავით დრო, რათა მოამზადოთ და გაითამაშოთ რომელიმე ეფექტური შეთავაზება, რითაც ოჯახის წევრებს ქადაგების მნიშვნელოვნების კიდევ უფრო დაფასებაში დაეხმარებით. ინდივიდუალურად დაეხმარეთ ბავშვებს მსახურებაში, რომ თავიანთი ასაკისა და შესაძლებლობების შესაბამისად გაიუმჯობესონ ქადაგების უნარი. ერთად მსახურების შემდეგ გაესაუბრე იმაზე, თუ როგორ გრძნობენ უშუალოდ იეჰოვას სიკეთეს. მოუყევით რწმენის განმამტკიცებელი მაგალითები. რაც უფრო მეტად გაიგებენ ოჯახის წევრები, თუ რა „ტკბილია უფალი“, მით უფრო დაუახლოვდებიან იეჰოვას, რაც „ბოროტების“ გამკლავებაში დაეხმარება მათ (1 პეტ. 2:1—3).

⁵ კრების შეხვედრებზე: რა შესანიშნავია, რომ ოჯახის წევრები კრების შეხვედრებზე დასწრებაში უწყობენ ერთმანეთს ხელს, განსაკუთრებით კი მაშინ, თუ რომელიმე მათგანი დაღლილი, გულგატეხილი და დამწუხრებულია! „მამაჩემი სამსახურიდან დაღლილი ბრუნდება, — ამბობს ერთი ახალგაზრდა და, — მაგრამ მე იმ საინტერესო საკითხებზე ვუწყებ საუბარს, რომლებიც კრების შეხვედრაზე იქნება განხილული იმ საღამოს, რაც მას შეხვედრაზე დასწრების განწყობაზე აყენებს. როცა მე ვარ დაღლილი, ის მამხნევებს“ (ებრ. 10:24, 25).

⁶ ერთად გაატარეთ დრო: საოჯახო საქმეების გასაკეთებლად ოჯახის წევრებმა უნდა ითანამშრომლონ. დრო უნდა გამოეყოს კარგად შერჩეულ გართობასაც. პიკნიკები, ლაშქრობები, თამაშები და ნათესავების ან მეგობრების ერთად მონახულება სასიამოვნო და კარგად გასახსენებელი იქნება (ეკლ. 3:4).

⁷ ძლიერი ქრისტიანული ოჯახი ადვილად გაუმკლავდება რწმენის დამასუსტებელ ყოველდღიურ სიძნელეებს; იეჰოვასთან უფრო დაახლოებით კი მის ძალას მიიღებენ (ეფეს. 6:10).