დიდი სარგებლობა მოგვიტანა კონგრესმა „ღვთისმოსაწონი ცხოვრების გზა“

¹ სულ რამდენიმე თვის წინ გეგმებს ვაწყობდით, რომ დავსწრებოდით 1998 წლის საოლქო ან საერთაშორისო კონგრესს, „ღვთისმოსაწონი ცხოვრების გზა“. ახლა ისინი ორგანიზაციის თეოკრატიული ისტორიის მნიშვნელოვან მომენტებად იქცნენ. მართლაც დიდი სარგებლობა მივიღეთ ამ დიდებულ შეკრებებზე მოწოდებული მდიდარი სულიერი საზრდოდან.

² ნამდვილად ამაღელვებელი იყო წლევანდელი კონგრესების საერთაშორისო ხასიათი. იმისდა მიუხედავად, ესწრებოდნენ თუ არა ჩვენს კონგრესს მისიონერები და დელეგატები სხვა ქვეყნებიდან, თითოეულმა ჩვენგანმა მოისმინა შესანიშნავი შემთხვევები პარასკევ ნაშუადღევს, პროგრამის ნაწილში „მისიონერული მსახურება“. ყოველდღიურად ძალიან გვამხნევებდა მსოფლიო მასშტაბით „მკაში მიღწეული წარმატების ანგარიშები“.

³ შესანიშნავი ახალი პუბლიკაციები. პარასკევს, ბოლო მოხსენებაში პასუხი გაეცა კითხვას, რომელიც ჭეშმარიტების არმცოდნე უამრავ ადამიანს ებადება: „არსებობს სიცოცხლე სიკვდილის შემდეგ?“ ამ მეტად საინტერესო განხილვის დასასრულს აღინიშნა, რომ გამოიცა ახალი ბროშურა „რა ხდება სიკვდილის შემდეგ?“ უეჭველია, უკვე წავიკითხეთ და დავინახეთ, რომ ის მართლაც დიდ დახმარებას გაგვიწევს ადამიანების დახმარებაში, კერძოდ კი, ყველას გავაგებინოთ ჭეშმარიტება მკვდრების მდგომარეობის შესახებ, დამწუხრებულები კი ვანუგეშოთ მკვდრეთით აღდგომის იმედით.

⁴ შაბათს, შუადღის პროგრამა დასრულდა მოხსენებით „შემოქმედი — რა ვიცით მასზე და მის გზებზე“. ამ თემამ ლოგიკურ დასკვნამდე მიგვიყვანა, რომ შემოქმედი არსებობს. ჩვენი საქმის გასაადვილებლად, რომ სხვებს დავეხმაროთ ამ ფაქტის გაგებაში, გამოიცა წიგნი „არსებობს მზრუნველი შემოქმედი?“. თუმცა წიგნი ჩვენც დაგვეხმარება, გავიღრმავოთ რწმენა და მადლიერების გრძნობა იეჰოვასა და მისი გზებისადმი, ის განსაკუთრებით იმათთვის არის გამიზნული, რომლებსაც უმაღლესი განათლება აქვთ და შეიძლება არ სწამთ ღმერთი.

⁵ გულითადი რეზოლუცია. კონგრესის დასკვნითმა მოხსენებამ ხაზი გაუსვა ‘განუწყვეტლივ იეჰოვას გზაზე სიარულის’ აუცილებლობას. რა დროული იყო რეზოლუციაში ჩვენი პირადი გადაწყვეტილების ამოკითხვა, რომ ყოველთვის მივყვეთ, დავიცვათ და პირველ ადგილზე დავაყენოთ ღვთისმოსაწონი ცხოვრების გზის უპირატესობა! (ეს. 30:21). ახლა ჩვენ გადაწყვეტილებით უნდა ვიყოთ აღსავსე, ვიცხოვროთ ამ რეზოლუციის თანახმად. მართლაც აღმაფრთოვანებელი იყო ამ კონგრესზე, „ღვთისმოსაწონი ცხოვრების გზა“, დასწრება!