შეთავაზების ნიმუშები

სექტემბრის პირველ შაბათს ბიბლიის შესწავლების დაწყება

„ბევრს სჯერა, რომ ანგელოზები არსებობენ. თქვენ თუ გჯერათ? [დაელოდე, გიპასუხოს.] ვინაიდან ისინი სულიერი ქმნილებები არიან, საკმაოდ დიდ ძალას ფლობენ. როგორ ფიქრობთ, შეუძლიათ მათ ჩვენი დახმარება? ბიბლიაში წერია, თუ როგორ ეხმარებიან ისინი ადამიანებს“. უჩვენე 1 სექტემბრის „საგუშაგო კოშკის“ ბოლო გვერდი და ერთად განიხილეთ პირველი კითხვის ქვეშ მოცემული ინფორმაცია და წაუკითხე სულ მცირე ერთი ბიბლიური მუხლი. შესთავაზე ჟურნალები და შეთანხმდით განმეორებით მონახულებაზე, რომ პასუხი გასცეთ მომდევნო კითხვას.

საგუშაგო კოშკი 1 სექტემბერი

«თქვენი აზრით, შეძლებს ვინმე ეკოლოგიური კატასტროფის შეჩერებას? [დაელოდე, გიპასუხოს.] მართალია, ადამიანს არ ძალუძს დედამიწისთვის მიყენებული ზიანის აღმოფხვრა, მაგრამ ბიბლია გვამცნობს, რომ ღმერთს საამისოდ ძალაც შესწევს და სურვილიც გააჩნია. ამაში გვარწმუნებს ფსალმუნის 65:9 [წაიკითხე.] „საგუშაგო კოშკის“ ამ ნომერში საუბარია, თუ როგორ იზრუნებს ღმერთი დედამიწაზე და როგორ გავიხარებთ შესანიშნავი პირობებით. თუ ნებას დამრთავთ, დიდი სიამოვნებით დაგიტოვებთ ამ ჟურნალს და გაეცანით».

გამოიღვიძეთ! სექტემბერი

„ვისაც სამსახურში დამატებითი საათების გატარება უწევს, მუდმივ სტრესს განიცდის და გამოსავალსაც ვერაფერში ხედავს. ასეთ მდგომარეობაში მყოფი ადამიანი შეიძლება გამოიფიტოს, რაც მის ფიზიკურ და ემოციურ მდგომარეობაზეც აისახება. თქვენი აზრით, რა უნდა გააკეთოს ადამიანმა იმისათვის, რომ გაწონასწორებულად იცხოვროს? [დაელოდე, გიპასუხოს.] ნახეთ, რა საინტერესო აზრი წერია ბიბლიაში [წაუკითხე ეკლესიასტეს 4:6.] ამ ჟურნალში მოცემულია ოთხი რჩევა იმის თაობაზე, თუ როგორ მივუჩინოთ ყველაფერს თავისი ადგილი ცხოვრებაში, რათა სამუშაომ არ გამოგვფიტოს“.