Salmu
Pa diretor di múzika. Salmu di Davidi.
11 N djobe proteson na Jeová.
Nton, modi ki nhos pode fla-m:*
“Fuji pa monti sima un pasu!
2 Odja modi ki kes algen mau dja arma ses arku.
Di un lugar sukuru, es ta poi ses flexa na kórda,
Pa da kes algen di korason sinseru ku el.
3 Kuzê ki algen justu pode faze,
Óras ki ka ten justisa nen ruspetu pa lei?”*
4 Jeová sta na se ténplu santu.
Tronu di Jeová sta na séu.
Ses odju ta odja, ses odju ta djobe i ta izamina algen.
6 El ta ben poi disgrasa,* lumi i inxofri ta kai riba di kes algen mau sima txuba.
El ta ben kastiga-s ku un béntu kenti.
7 Pamodi Jeová é justu, i el ta ama kes algen justu.
Kes algen ki ten korason sinseru ta ben resebe se benson.*