Salmu
Pa diretor di múzika. Afinadu na seminite.* Un múzika di Davidi.
12 Ó Jeová, salva-m, pamodi ka ten ningen lial más.
Kes algen fiel dja dizaparse di mundu.
2 Es ta konta kunpanheru mintira.
Es ta uza palavras bunitu pa ingana algen* i es é finjidu.
3 Jeová ta ben kaba ku tudu kes ki ta uza palavras bunitu pa ingana
I ki ta uza ses língua pa ingaba.
4 Kes ki ta fla: “Nu ta ben ganha pamodi nos língua.
Nu ta uza nos bóka sima nu krê.
Ken ki ta manda na nos?”
5 Jeová ta fla: “Pamodi frónta di kes ki sta sufri
I pamodi kes ki é póbri sta ta jeme,
N ta ben labanta i N ta ben aji.
N ta ben salva-s di kes algen ki ta dispreza-s.”
6 Palavras di Jeová é puru.
Es é sima prata ki refinadu na un fornu di baru,* ki purifikadu 7 bês.
7 Ó Jeová, bu ta ben proteje-s.
Bu ta ben proteje kada un di es kóntra kel jerason li pa tudu ténpu.
8 Kes algen mau sta ta anda livri pa tudu ladu,
Pamodi pesoas sta ta poi algen ta faze kuzas mariadu.