Salmu
Pa diretor di múzika. Pa kunpanha ku instrumentu di kórda afinadu na seminite.* Un múzika di Davidi.
6 Ó Jeová, ka bu disiplina-m ku raiba
I ka bu koriji-m óras ki bu sta xatiadu.
2 Ó Jeová, ten péna* di mi pamodi N sta ta fika fraku.
Ó Jeová, da-m forsa pamodi N sta ta treme di medu.*
3 Ó Jeová, N* sta preokupadu dimás,
I N ta pergunta-u: “Pa más kantu ténpu ki N ta kontinua ta sufri?”
4 Ó Jeová, ben i salva-m.*
Salva-m pamodi bu amor lial.
6 Dja N kansa di jeme.
Noti interu agu di nhas odju ta modja nha kama.*
Nha kama sta tudu modjadu di tantu txora.
7 Nhas odju sta fraku pamodi nha tristéza.
Es sta turvu* pamodi tudu kes ki ta ofende-m.
8 Nhos fika lonji di mi, nhos tudu ki ta faze kuzas mariadu,
Pamodi Jeová ta ben obi-m ta txora.
9 Jeová ta ben obi nha pididu di ajuda,
Jeová ta ben seta nha orason.
10 Tudu nhas inimigu ta ben umilhadu i es ta ben fika dizanimadu.
Es ta ben fuji dirapenti i ku vergónha.