Mĩcinga Kũrathũkio Cukuru—Mawoni ma Bibilia nĩ Marĩkũ?

Kũrĩ Mĩĩ 24, 2022, nĩ kũrĩ ũndũ mũũru mũno wekĩkire taũni-inĩ nini ya Uvalde, Texas, U.S.A. Kũringana na ngathĩti ya The New York Times, “mũndũ warĩ na mũcinga nĩ ooragire ciana 19 na arimũ erĩ . . . thĩinĩ wa cukuru ya Robb Elementary School.”

Ũndũ wa kĩeha nĩ atĩ, maũndũ ta macio ma kũmakania nĩ mongererekete mũno ũmũthĩ. Ngathĩti ya USA Today yaugire atĩ thĩinĩ wa Amerika (US) gwiki, “mwaka ũcio ũrathirire nĩ kwagĩire na ciĩko ta icio cia kũrathũkio mĩcinga cukuru maita 249. Ũcio nĩ mũigana ũkĩrĩte mũigana ũngĩ o wothe kuuma mwaka wa 1970.”

Nĩ kĩĩ gĩtũmaga maũndũ ta macio moru mekĩke? Tũngĩhiũrania atĩa na ciĩko ta icio njũru ũguo? Hihi kũrĩ na kĩĩrĩgĩrĩro atĩ wĩki-naĩ ta ũcio nĩ ũgaathira? Bibilia nĩ ĩheanaga macokio ma ciũria icio.

Nĩ kĩĩ gĩtũmĩte wĩki-naĩ wongerereke mũno thĩinĩ wa thĩ?

•  Bibilia ĩtaga ihinda rĩrĩ tũratũũra ‘matukũ ma kũrigĩrĩria’ rĩrĩa andũ aingĩ makoragwo “matarĩ wendo ũrĩa wa ndũire” na “matarĩ tha,” ũndũ ũrĩa ũtũmaga meke maũndũ moru na ma wĩki-naĩ. Andũ a mũthemba ũcio “marĩkĩragĩrĩria o kũũruha.” (2 Timotheo 3:1-5, 13) Nĩguo wĩrute makĩria, thoma gĩcunjĩ kĩrĩ na kĩongo “Je, Biblia Ilitabiri Mitazamo na Matendo ya Watu Leo?”

Andũ aingĩ meyũragia, ‘Nĩ kĩĩ gĩtũmaga Ngai age kũgirĩrĩria maũndũ moru mekĩke, ta mĩcinga kũrathũkio cukuru?’ Nĩguo wone macokio ma Bibilia, thoma gĩcunjĩ kĩrĩ na kĩongo “Maũndũ Moru Makoraga Andũ Arĩa Ega Nĩkĩ?”

Tũngĩhiũrania atĩa na ciĩko ta icio njũru ũguo?

•  “Maũndũ mothe marĩa maandĩkirũo tene maandĩkirũo marĩ ma gũtũruta, nĩgetha . . . kũgerera kũũmĩrĩrio nĩ Maandĩko tũgĩe na kĩĩrĩgĩrĩro.”—Aroma 15:4.

Motaaro ma Bibilia no magũteithie kũhiũrania na thĩ ĩno ĩiyũire maũndũ moru. Nĩguo wone ũhoro makĩria, rora ngathĩti ya Amkeni! ĩrĩ na kĩongo “Je, Jeuri Itawahi Kwisha?”

Nĩguo wone ũrĩa aciari mangĩteithia ciana ciao kũhiũrania na riboti cia mohoro cia kũmakania, thoma gĩcunjĩ kĩrĩ na kĩongo “Je, Taarifa za Habari Zenye Kuogopesha Zinawaathiri Watoto Wako?”

Hihi kũrĩ hĩndĩ wĩki-naĩ ũgaathira?

•  “Nĩ akaamahonokia matige kũhinyĩrĩrio na gwĩkwo maũndũ ma ũhinya.”—Thaburi 72:14.

•  “Nĩ magaatura hiũ ciao cia njora ituĩke hiũ cia mĩraũ na matimũ mao matuĩke hiũ cia gũceha. Rũrĩrĩ rũtikoera rũrĩrĩ rũrĩa rũngĩ rũhiũ rwa njora, o na matikeruta mbaara rĩngĩ.”—Mika 4:3.

Ngai nĩ ageeka ũndũ ũrĩa andũ matangĩhota gwĩka. Ũthamaki wake wa igũrũ nĩ ũkaananga matharaita mothe na ũniine wĩki-naĩ wothe. Nĩguo wĩrute makĩria maũndũ marĩa Ũthamaki wa Ngai ũkaahingia, thoma gĩcunjĩ kĩrĩ na kĩongo “Wakati Huo ‘Amani Itakuwa Nyingi.’”