KWAMBĨRĨRIA NDEERETI
ITHOMO RĨA 2
Kũreka Ndeereti Ĩĩrehe
Ũtaaro: “Kiugo kĩarĩtio ihinda rĩrĩa rĩagĩrĩire-rĩ, kaĩ nĩ kĩega-ĩ!”—Thim. 15:23.
Ũrĩa Filipu Eekire
1. Wĩrorere VIDEO ĩno, kana ũthome Atũmwo 8:30, 31. Ũcoke ũcokie ciũria ici:
Filipu aambĩrĩirie ndeereti atĩa?
Kwaria na njĩra ya kawainda gwateithirie Filipu atĩa kwambĩrĩria ndeereti na akĩruta Mũethiopia ũndũ mwerũ?
Tũreruta Atĩa na Filipu?
2. Tũngĩreka maũndũ merehe kũringana na ũrĩa ndeereti ĩrathiĩ na mbere, mũndũ ũrĩa tũraria nake no athirũo nĩ guoya na etĩkĩre gũthikĩrĩria ndũmĩrĩri itũ.
Wĩgerekanie na Filipu
3. Korũo ũrĩ maitho. Ũthiũ wa mũndũ na ciĩko cia mwĩrĩ no itwĩre maũndũ maingĩ mamwĩgiĩ. Hihi mũndũ ũcio nĩ aroneka ta arenda kwaria nawe? No wambĩrĩrie ndeereti ĩgiĩ Bibilia na njĩra ya kũũria, “Hihi nĩ ũrĩ wamenya . . . ?” Ndũgatindĩkĩrĩrie mũndũ ndeereti angĩkorũo ndarenda kwaria.
4. Korũo na wetereri. Ndũgecirie atĩ no mũhaka wambĩrĩrie ndeereti ya Bibilia o rĩo. Eterera ihinda rĩrĩa rĩagĩrĩire nĩguo ndeereti ĩĩrehe yo nyene. Ũguo nĩ kuuga no weterere nginya hĩndĩ ĩngĩ rĩrĩa mũgaakorũo na ndeereti na mũndũ ũcio.
5. Wĩhaarĩrie kũgarũrĩra. Mũndũ no ambĩrĩrie kwaria maũndũ ũtekwĩrĩgagĩrĩra. Kwoguo, korũo wĩhaarĩirie kwaria nake ũndũ ũngĩmũkenia, o na angĩkorũo nĩ ũndũ ngũrani na ũrĩa uuma naguo meciria-inĩ.