Omaetepo aasho to ka popya moilonga yomomapya
Ka tuvikila
Nghee to longifa okawedwapo aka
Mahapu omomatwalemo aa taa shikula apa okwa holokele moufo va pita vUukalele Wetu wUukwaniilwa. Kendabala okulongifa mahapu ngaashi to dulu moilonga yoye yokuyandja oundombwedi nokutala kutya oidjemo ilipi to mono. Tuvikila okawedwapo aka nokutala muko ngeenge to lilongekidile oilonga yomomapya.
Oto dulu okupendula ohokwe yomunhu yokuhokwa Eendjovo daKalunga ngeenge to popi diva osho wa endela. Pula epulo lonhumba opo nee to lesha omanyamukulo maxupi opamishangwa. Oto dulu okuyelekela omaetepo aa:
“Eshi to diladila onakwiiwa, ou udite mbela u na eteelelo ile ou na omalimbililo? [Efa omunhu a nyamukule.] Ombibeli oya xunganeka oiningwanima itilifa oyo tu wete kunena nosho yo oidjemo yayo.”—2 Tim. 3:1, 2, 5; Omayel. 2:21, 22.
“Ope na okulipula kuhapu kunena shi na sha nefiloshisho loukolele. Mbela ou shii kutya Kalunga okwa udaneka kutya ota ka kandula po omaupyakadi aeshe oukolele fiyo alushe?”—Jes. 33:24; Eh. 21:3, 4.
“Mbela ou shii kutya Ombibeli otai xunganeke kutya konahiya otapa ka kala ashike epangelo limwe alike tali pangele ounyuni aushe?”—Dan. 2:44; Mat. 6:9, 10.
“Mbela oto diladila kutya eenghalo ngeno odi li ngahelipi ngeno Jesus Kristus okwa li ta pangele edu?”—Eps. 72:7, 8.
“Ovanhu vahapu otava mono oixuna kokatongotongo molwoukashike kookanhu wavo, molwomalongelokalunga ile molwomuhoko wavo. Mbela oto diladila kutya Kalunga oku udite ngahelipi shi na sha nokatongotongo ka tya ngaha?”—Oil. 10:34, 35.
“Otu shii kutya Jesus Kristus okwa longa oikumwifilonga ihapu pefimbo laye. Ngeno owa li to dulu oku mu pula a longe oshikumwifilonga shimwe natango, ngeno otashi ka kala shilipi?”—Eps. 72:12-14, 16.
“Ovanhu vahapu ova loloka okuuda kombinga yomaupyakadi. Ova hala okuuda kombinga yomakandulepo. Ndelenee openi mbela hatu dulu okuhanga omakandulepo ashili omaupyakadi etu?”—2 Tim. 3:16, 17.
“Mbela oto dulu okufatulula Ouhamba oo ho ilikana mEilikano lOmwene (ile laTate Yetu)?”—Eh. 11:15.
[Caption on page 1]
Oihovelifi yeenghundafana
Omusholondodo womapulo aa e li pedu, a ongelwa okudja moipalanyole yembo Reasoning (lOshiingilisha), otau ulike epandja omo enyamukulo keshe tali hangwa membo olo:
Omolwashike hatu kulupa nohatu fi? (98)
Oonakufya ove li monghalo i li ngahelipi? (100)
Mbela ope na omatomheno mawa okwiitavela muKalunga? (145)
Mbela Kalunga oku na ko nasha shili naasho tashi tu ningilwa tu li ovanhu? (147)
Mbela Kalunga omunhu woshili? (147)
Mbela ovanhu aveshe vawa otava i meulu? (162)
Mbela omunhu oku na okuya meulu opo a kale nonakwiiwa i na ehafo lashili? (163)
Omolwashike sha fimana okushiiva edina laKalunga noku li longifa? (196)
Mbela Jesus Kristus oye shili Kalunga? (212)
Ouhamba waKalunga otau ka longa shike? (227)
Elalakano longhalamwenyo yovanhu oshike? (243)
Oshike tashi dulu okukwafela okuxwepopaleka ohombo? (253)
Mbela omalongelokalunga aeshe okwa hokiwa kuKalunga? (322)
Ongahelipi omunhu ta dulu okushiiva elongelokalunga olo li li mondjila? (328)
Enwefemo laSatana oli na eenghono ngahelipi mounyuni kunena? (364)
Omolwashike Kalunga a efela okumona oixuna ku kale po? (393)
Omolwashike pe na oukolokoshi muhapu? (427)
Olyelye ta pangele ounyuni ou—oKalunga ile oSatana? (436)