‘Өнімді еңбек етуге айқара ашық есікке’ кіре аласың ба?
1. Біз үшін ‘өнімді еңбек етуге’ қандай есік айқара ашық тұр?
1 Елші Пауылға өнімді еңбек ету мүмкіндігі ашылғанда, ол қарсыластарының көптігіне қарамастан, Патшалық мүддесі үшін қызмет етуге белсене кірісіп кеткен (Қор. 1-х. 16:9). Бүгінде дүниежүзі бойынша 642 000-ға жуық Патшалық жариялаушылары жалпы ізашарлық қызметті бастап, өнімді еңбек етуге айқара ашық есікке кірген.
2. Неге анда-санда мүмкіндіктерімізді салмақтап-саралап отырғанымыз маңызды?
2 Жағдайдың өзгеруі. Қазір көбірек қызмет ететін мүмкіншілігіміз болмағанымен, жағдай өзгеріп тұрады. Сондықтан керемет жағдайдың туындауын күтіп отырмай, анда-санда мүмкіндіктерімізді салмақтап-саралап отырғанымыз маңызды (Екк. 11:4). Сен мектепті бітіргелі жатырсың ба? Мүмкін, жақында балаларың мектепке бара бастайтын шығар. Бәлкім, зейнетке шығайын деп жатқан боларсың. Осындай өзгерістердің арқасында көбірек уақыт пайда болып, ізашарлық қызметті бастай алатын шығарсың. Бұрын денсаулығының нашарлығынан қиналған бір әйел бауырлас 89 жасында ізашар болуды шешеді. Неге? Ол бір жылдан астам уақыт ауруханада болмағандықтан, жалпы ізашар болуға денсаулығым жарайды деген тұжырымға келіпті.
3. Кейбіреулер жалпы ізашар болу үшін қандай өзгерістер жасаған?
3 Бір күні Пауыл Қорынттағы бауырластарға баруды жоспарлайды да, артынан ізгі хабар таралу үшін жоспарын өзгертеді. Бүгінгі жалпы ізашарлардың көбіне де бірталай өзгерістер жасауға тура келген. Олардың кейбірі қарапайым тұрмысқа көшкен және шығындары азайғандықтан жарты күндік жұмысқа ауысқан. Бұл бауырластар қызметтерінен қуаныш алып жүр (Тім. 1-х. 6:6—8). Ал кейбір ерлі-зайыптылар әйелі ізашар болып қызмет ете алуы үшін тек күйеуі ғана жұмыс істейтін болып шешкен.
4. 70 сағат тапсыра алатынымызға күмәндансақ, не істеуімізге болады?
4 Жетпіс сағат тапсыра алмаймын деп ізашарлық қызметтен бас тартуға асықпа. Бұл үшін күніне екі сағаттан көбірек уағыздағаның жеткілікті. Егер сенімсіз болсаң, бір-екі ай қосалқы ізашар болып, 70 сағаттан тапсырып көр. Осылайша ізашарлық қызмет беретін қуаныштың дәмін татасың (Заб. 33:9). Жалпы ізашарлармен сөйлес. Бәлкім олар да сен сияқты қиындықтармен кезіккен шығар (Нақ. с. 15:22). Ехобадан қызмет аясын кеңейтуіңе көмектесуін сұра (Жох. 1-х. 5:14).
5. Неге жалпы ізашарлық қызметті жақсы мақсат деуге болады?
5 Жақсы мақсат. Ізашарлық қызмет көп бата әкеледі. Біріншіден, көбірек берудің арқасында қуанышыңды ұлғайтасың (Ел. іс. 20:35). Сонымен қатар Құдай Сөзін дұрыс үйрету шеберлігіңді арттырасың (Тім. 2-х. 2:15). Ізашар болып жүріп Ехобаның көмегін көбірек сезінесің (Ел. іс. 11:21; Філіп. 4:11—13). Сондай-ақ табандылық сияқты рухани қасиеттер дамытасың және Ехобаға жақындай түсесің (Жақ. 4:8). Осы айқара ашық есікке кіріп, жалпы ізашар бола аласың ба?