Egyptenimit aninermiit Israelikkut kunngiisa siullersaannut

Mosesip Israelikkut Egyptenimi inussiaataanerannit aallaruppai, Sinajip qaqqaanut tikiullugit, tassanilu Guutip inatsisiminik tunivai. Kingusinnerusukkut angutit aqqaneq-marluk aallartippai Kana’anip nunaa alapernaarsoriartoqqullugu. Ilaalli qulit uterput pakatsinartumik nalunaaruteqarlutik, taamaattumillu inuit Egyptenimut uterusuinnalerput. Uppernikinnerat pillugu Guutip Israelikkut pillarpai inoqajuitsumi ukiut 40-t angalaartillugit.

Ukiut ingerlanerini Josua toqqarneqarpoq Israelikkunnik Kana’anip nunaanut eqqussiartortussatut. Jehova tupinnartuliortarpoq ikiorniarlugit nunamik tiguaanissaannik. Jordanip kuussua kuukkunnaarsippaa, Jerikop qarmarsui uppitillugit aammalu seqineq ulloq naavillugu uninngatillugu. Ukiut arfinillit ingerlanerini nuna tiguarneqarpoq Kana’animiut ajugaaffigalugit .

Josua aallarnerfigalugu ukiuni 356-ini Israelikkut eqqartuussisunit naalakkersorneqarput. Arlallit tusassavavut, soorlu Barak, Gideon, Jefta, Samson aamma Samuel. Arnallu tusagassavut tassaapput Rahab, Debora, Jael, Rut, No’omi aamma Dalila. IMMIKKOORTOQ 3-mi katillutik ukiuni 396-ini pisimasut oqaluttuarineqarput.