Jehovas Vidner — En levende tro, 2. del: Lad lyset skinne
Qatanngut Rutherford suleqataalu 1919-imi paarnaarussivimmiit iperagaangamik Biibilimik Atuaqqissaartartullu siunerminni suliassarpassuaqarput. Filmimi Jehovas Vidner — En levende tro, 2. del: Lad lyset skinne-mi oqaluttuarineqarpoq Biibilimik Atuaqqissaartartut assortorterpassuaqarumaartut, Biibilimik paasisaat annertusiartorumaartut ajoqersuutillu eqqunngitsut piiarneqarumaartut. (Uss 4:18; Mal 3:1-3; Joh 15:20) Filmi takoreerlugu apeqqutit uku akisinnaavigit?
(1) Biibilimik Atuaqqissaartartut nutaarsiassaq nuannersoq qanoq siaruarterpaat? (2) 1931-mi aamma 1935-mi immikkut ittumik ataatsimeersuarnermi susoqarpa? (3) The Watchtower 1. novembari 1939-moortoq qanoq immikkooruteqarpa? (4) Madison Square Gardenimi qatanngut Rutherford “Naalakkersuineq eqqissinerlu” qulequtaralugu oqalugiarnerani susoqarpa? (5) Sooq qatanngutip Knorrip oqalugiaataa qulequtalik “Eqqissineq — ataannarsinnaassava?” immikkut ittuua? (6) 1942-mi oqaluussinermik suliniarneq annertusarniarlugu Jehovap Nalunaajaasui qanoq pilersaaruteqarpat? (7) USA-mi, Canadami Grækenlandimilu eqqartuussinikkut ingerlanneqarsimasut nassuiakkit. (8) Oqaluussinerup ineriartortinneqarneranut Gileadi qanoq sunniuteqarpa? (9) 1946-mi suliaq pingaarutilik suna aallartippa, aamma sooq? (10) Pissusertik Biibilimut naapertuuttuunersoq qulakkeerniarlugu Jehovap Nalunaajaasui qanoq iliorpat? (11) Peqatigiiffik Biibilimut naapertuuttunngorsarniarlugu 1970-ikkunni allannguinerit pisimasut nassuiakkit. (12) Filmi isiginnaareerlugu Jehova peqatigiiffimmik piginnittuunera aqutsisuuneralu paasinerulerpigit? (13) Naak akornutissaqaraluartoq ilungersuussillutit oqaluussiuaannarnissannik aalajangerninnut filmi qanoq nakussatsinneqaatigaajuk? (14) Filmi atorlugu ilaquttavut, atuaqqissaaqativut allallu qanoq ikiorsinnaavavut?
Ullut tamaasa Jehovap Nalunaajaasuisa oqaluttuarisaaneranut kapitali nutaaq ilanngunneqartarpoq. Oqaluttuami uagut ilungersorsimanerput pillugu qanoq allassimasoqassava? Soorlu qatanngutivut qanga taamaaliorsimasut uaguttaaq ‘qaamaneq qinngorsimatitsigu’! — 2 Kor 4:6.