Guutip anersaavanit sunnerneqartigit, silarsuup anersaavaniunngitsoq

“Uagut silarsuup anersaava pinnagu Anersaaq Guutimit pisoq pissarsiaraarput Guutip saammaannermigut uatsinnut tunissutigisai paaseqqullugit.” — 1 KORINTHIMIUT 2:12.

1, 2. (a) Kristumiut ilumoortut sorsunnerat qanoq paasisariaqarpa? (b) Apeqqutit suut sammissavavut?

KRISTUMIUT ilumoortut sorsupput! Uagutsinnut akeraasoq nukittullunilu peqqusersullunilu sorsunnermut sungiussisimasuuvoq. Sakkoqarpoq ima sunniuteqarluartigisumik inuiaat amerlanersaannik sunniisimalluni. Taamaakkaluartorli soriarsinnaanngitsutut ajugaasinnaanngitsutullu misigisariaqanngilagut. (Esaja 41:10) Akeqqap susinnaanngisaanik ajugaaffigisinnaanngisaanillu illersortissaqarpugut.

² Sorsunneq akiuuffigisarput uinikkut sorsunnerunani anersaakkut sorsunneruvoq. Uagutsinnut akeraasoq tassaavoq Saatani Diaavulu, taassumalu sakkuginerpaasarpaa “silarsuup anersaava”. (1 Korinthimiut 2:12) Saassussineranut illersuutigisartagarput pingaarnerpaaq tassaavoq Guutip anersaava. Sorsunnermi tamatumani aniguiumalluta Guutimullu attaveqarluartuarumalluta Guutip anersaava qinnutigisariaqarparput inuunitsinnilu anersaap tamatuma inerititaanik inerititaqartariaqarluta. (Galatiamiut 5:22, 23) Silarsuulli anersaava suua, qanorlu ililluni taama pissaaneqartigilersimava? Qanoq ililluta paasisinnaavarput silarsuup anersaavanit sunnerneqarsimanerluta? Guutip anersaavanit sunnertissinnaaneq silarsuullu anersaavanik akiuisinnaaneq pillugit uagut Jiisusi sumik ilinniarfigisinnaavarput?

Silarsuup anersaava sooq taama sunniuteqartigaa?

3. Silarsuup anersaava suugami?

³ Silarsuup anersaava Saatanimit, “silarsuup matuma naalagaaneranit”, pivoq Guutillu anersaavanik illernartumik akerlilersuisuulluni. (Johannesi 12:31; 14:30; 1 Johannesi 5:19) Silarsuup anersaava silarsuarmi kajungerineqarnerusarpoq inuiannillu tamanik Guutip piumasaanut siunertaanullu akerliusumik iliornissamut kajumissaarisuulluni.

4, 5. Anersaaq Saatanimeersoq qanoq ililluni taama sunniuteqartigilerami?

⁴ Anersaaq Saatanimeersoq qanoq ililluni taama sunniuteqartigilersimava? Siullermik, Saatanip Eva Naatsiivimmi Edenimi salloqittarpaa. Qularunnaarsippaa Guutimit siulersorneqarunnaarnermigut pitsaanerusumik inooriaaseqalersinnaaneranik. (1 Mosesi 3:13) Ila sallutussusia! (Johannesi 8:44) Tamatuma kingorna arnaq aqqutigalugu peqqusersusaarluni Adami Jehovamut ilumoorunnaarsippaa. Adamip toqqagaa pissutigalugu inuiaat tamarmik ajortimut naalatsigitilerput taamaalillutillu naalannginnerup anersaavanit Saatanimeersumit sunnerteqqajaasarneq kingornullugu. — Atuakkit Efesosimiut 2:1-3.

⁵ Aamma Saatani inngilerpassuarnik anersaapilunngortunik sunnigaqarpoq. (Saqqummersitat 12:3, 4) Guutimik taamatut killuussineq Noap nalaani ulersuup siorna pivoq. Inngilit taakku isumaqarput pitsaanerusumik angusaqassallutik qilammi inissisimaffimminnik qimatsinermikkut pissusissamisuunngitsumillu pilerigisaminnut nunarsuarmiittunut nakkaannarnermikkut. (Judasi 6) Anersaapiluit, maanna anersaat silarsuaannut utereersut, taakku atorlugit Saatani ‘silarsuarmik tamarmik tammartitsiniaavoq’. (Saqqummersitat 12:9) Ajoraluartumik nunarsuarmiittut amerlanerpaartaasa anersaapiluit sunniuteqartarnerat naluaat. — 2 Korinthimiut 4:4.

Illit silarsuup anersaavanit sunnerneqartittarpit?

6. Taamaallaat suna pissutigalugu silarsuup anersaavanit sunnertissinnaavugut?

⁶ Inuppassuit Saatanip sunniuteqartarnera naluaat, kristumiulli ilumoortut taassuma qanoq periaaseqarnera Biibili tunngavigalugu ilinniartinneqarnermikkut paasisimavaat. (2 Korinthimiut 2:11) Tassa silarsuup anersaavanit sunnerneqarsinnaavugut aatsaat sunnertinnissarput akuerigutsigu. Apeqqutit sisamat Guutip anersaavanit silarsuulluunniit anersaavanit sunnertissimanerluta paasinissaanut iluaqutigisinnaasavut sammeriartigit.

7. Ilaatigut qanoq Saatanip Jehovamit avissaartinniarsarisarpaatigut?

⁷ Aliikkutassat toqqartakkakka uanga pillunga sumik ersersitsippat? (Atuakkit Jaaku 3:14-18). Saatanip nakuusernermik uagutsinnik nuannarinnilersitsiniarnermigut Guutimit avissaartinniarsaraatigut. Diaavulup nalunngilaa Jehovap nakuusernermik nuannarisaqartoq uumigigaa. (Tussiaat 11:5) Taamaattumik inuit uinikkut pilerissusii sakkortusarniarlugit atuakkat, atuagassiat, filmit, nipilersukkat qarasaasiakkullu pinnguaatit atortarpai. Qarasaasiakkut pinnguaatit ilaanni spillertut sakkortuumik ileqqorluttuliortuusaarnissamut peqqarniisaartuusaarnissamullu kajumissaarneqartarput. Saatanip uummatitta ilaannaaluunniit ajortumik, immineersumik, nuannarinnitsillugu uummatitta annersaata eqqortumik iliornermik nuannarisaqarnera ajorineq ajorpaa. — Tussiaat 97:10.

8, 9. Aliikkutassanut tunngatillugu imminut qanoq aperisariaqarpugut?

⁸ Guutilli anersaavata tamatumannga sunnerneqartittut minguitsuunissamut, eqqisseqatigiissitsisuunissamut nallittuingaartuunissamullu kajumissaartarpai. Silatusaassaagut imminut ima aperigutta: ‘Aliikkutassat toqqartakkakka nuannersunik pissuseqalissutigisarpakka?’ Ilisimassuseq pavannga pisoq unneqqarissuuvoq, imaluunniit pisuusaarneq ajorpoq. Guutip anersaavanit sunnerneqartittartut ileqqussatigut minguissuseq eqqissinerlu allanut oqaluussissutigeriarlugu angerlarsimaffimminni naalliutsitsilluni nakuuserneq kinguaassiuutitigullu inuunerlunneq nuannaralugit isiginnaarneq ajorpaat.

⁹ Jehovap imminut tunniusimalluinnarnissarput piumasaraa. Saatanilli ataasiaannarluni pallorfigineqarnissani naammagissavaa, soorlu Jiisusimut tunngatillugu aamma taamaattoq. (Lukasi 4:7, 8) Imminut ima aperisinnaavugut: ‘Aliikkutassat toqqartakkakka Guutimut tunniusimalluinnalissutigisinnaavakka? Toqqartakkakka pissutigalugit silarsuup anersaava akioruminaannerutilluguluunniit akioruminarnerutippara? Aliikkutassat toqqartakkakka siunissami allanngortittariaqarpakka?’

10, 11. (a) Silarsuup anersaavata pigisanut isiginnittaaseq qanoq ittoq siuarsarpaa? (b) Guutip oqaasiani isumassarsiarititaasumi qanoq isiginnittaaseqarnissarput kajumissaarutigineqarpa?

¹⁰ Pigisanut qanoq isiginnittaaseqarpunga? (Atuakkit Lukasi 18:24-30). Silarsuup anersaava ‘isit pilerigisaannik’ siuarsaasarpoq piumatunissamut pigisaleritunissamullu kajumissaarinermigut. (1 Johannesi 2:16) Tamanna pissutigalugu inuppassuit aalajangersimapput pisuujorusullutik. (1 Timotheusi 6:9, 10) Anersaap tamatuma isumaqalersikkusuppaatigut pigisarpassuarnik katersuinitsigut ataavartumik toqqissisimalersinnaasugut. (Ussatit 18:11) Aningaaseritunermilli Guutimik asannippiarunnaarsimagutta Saatanimit ajugaaffigineqarsimassaagut. Imminut ima aperisariaqarpugut: ‘Pigisatigut ilorrisimaarnartut nunallu piinik nuannaarutissarsiorneq inuuninni pingaarnerutileraluttuinnarpakka?’

¹¹ Guutilli oqaasiani isumassarsiarititaasumi aningaasanut oqimaaqatigiissumik isiginnittaaseqarnissamut namminerlu ilaquttattalu timip piisigut pisariaqartitatsinnik matussusiiniarluta aalajangersimalluta iliuuseqarnissamut kajumissaarneqarpugut. (1 Timotheusi 5:8) Guutip anersaavanit sunnerneqartittartut tamanna Jehovap tukkortuuneranik ilaarsinissamut iluaqutigisarpaat. Taakku tunisisartutut, tunineqartartutuunngitsoq, ilisimaneqartarput. Inuit pigisaninngarnit pingaarnerutittarpaat periarfissaqaraangamillu nuannaarlutik pigisaminnik tunniussisarlutik. (Ussatit 3:27, 28) Aamma aningaasanik noqqaassutiginninnissaq Guutimut kiffartornerminngarnit pingaarnerutilinngisaannarpaat.

12, 13. Silarsuup anersaavanit allaanerusumik, Guutip anersaavanit ajunngitsumik qanoq sunnerneqarsinnaavugut?

¹² Allanik qanoq pinnittarpunga? (Atuakkit Kolossemiut 3:8-10, 13). Silarsuup anersaava uinngup suliaanik siuarsaasarpoq. (Galatiamiut 5:19-21) Anersaamit sorlermit sunnerneqartinnerluta paasisinnaalertarparput, ingerlalluartillutaanngitsoq, ingerlanerliortillutali — assersuutigalugu qatanngummit kristumiumit soqutiginnginneqarlutaluunniit ajuallatsinneqaraangatta, imaluunniit allaat ajortuliorfigineqaraangatta. Aammattaaq angerlarsimaffitsinniitilluta anersaaq sorleq uagutsinnut sunniuteqarnerunersoq erseqqissisinnaavoq. Imminut misissornissaq pissusissamisuussaaq. Imminut ima aperigit: ‘Ukiup affaata kingulliup ingerlanerani kristumiutut pissuseqarnerulersimavunga, imaluunniit oqaloriaatsikkut pissutsikkullu ileqqupalaaqaqqilersimavunga?’

¹³ Guutip anersaava ‘inutoqqamik [inuttut pissusitoqqamik, NV] iliuusai ilanngullugit iperaanissamut’ ‘nutaallu [inuttullu pissutsip nutaap, NV] atinissaanut’ iluaqutigisinnaavarput. Tamanna asanninnerulerlutalu inussiarnernerulernissatsinnut iluaqutigissavarput. Isumakkeerfigeqatigeeriaannaanerulissaagut, assuarliutissaqaraluaruttaluunniit. Naapertuilluanngitsumik pineqarsorigaluarluta ‘narrutsannatalu puffaassinatalu kamannatalu nipiliornatalu mitalliisarunnaassaagut’. ‘Ajunngitsuliorniarlutali nallittuiniarlutalu’ ilungersussaagut. — Efesosimiut 4:31, 32.

14. Silarsuarmi matumani inuppassuit Guutip oqaasia qanoq isigisarpaat?

¹⁴ Ileqqussatigut najoqqutassiat Biibilimiittut ataqqillugillu nuannaraakka? (Atuakkit Ussatit 3:5, 6). Silarsuup anersaava Guutip oqaasianut pikitsitsisoqarneragut ersertarpoq. Anersaamit tamatumannga sunnerneqartittartut Biibilimi allassimasut maleruassallugit pisarissersuutaasutut isigisatik sumiginnartarpaat inuillu oqaluttuarsiaat isumaliutersuutaallu tusarumanerusarlugit. (2 Timotheusi 4:3, 4) Inuit ilaasa Guutip oqaasia tamaat soqutiginngilaat. Biibilip tutsuiginassusia atorsinnaassusialu apeqqusertarpaat, imminut ilisimasutut isigilerlutik. Allasiorneq, anguteqammik arnaqammilluunniit atoqateqartarneq avinnerlu pillugit najoqqutassianik Biibilimiittunik paasiuminartunik kimeerutsitsisarput. ‘Ajortumik ajunnginneraasarput ajunngitsumillu ajorneraasarlutik.’ (Esaja 5:20) Anersaamit tamatumannga sunnerneqarsimavugut? Ajornartorsiuteqaraangatta inuit ilisimassusiat, uagullu nammineq isummavut, tutsuigisarpavut? Imaluunniit siunnersuutit Biibilimiittut malinniarsarisarpavut?

15. Uagut nammineq ilisimassuserput tutsuiginagu susariaqarpugut?

¹⁵ Guutip anersaava Biibilimik ataqqinnilernissamut iluaqutigisarparput. Tussiaasiortup pisimaneratut Guutip oqaasia isikkatsinnut nanerussatut aqqutitsinnilu qaammaqqutitut isigaarput. (Tussiaat 119:105) Nammineq ilisimassuserput tutsuiginagu qularutiginngilluinnarparput Guutip oqaasia allanneqarsimasoq eqqortumik eqqunngitsumillu immikkoortitsinissamut iluaqutigiumaarlutigu. Guutip inatsisaanik ataqqinninnissaq ilinniaannarnagu aammali taakkuninnga nuannarinninnissaq ilinniartarparput. — Tussiaat 119:97.

Jiisusip maligassiaa ilinniarfigiuk

16. Qanoq ililluta ‘Kristusip isumaanik’ pigiliussisinnaavugut?

¹⁶ Guutip anersaavanik tunineqarumalluta ‘Kristusip isumaanik’ pigiliussisariaqarpugut. (1 Korinthimiut 2:16, 1936) ‘Kristusi Jiisusitut isumaqassagutta’ nalunngittariaqarparput taanna qanoq eqqarsartarlunilu iliuuseqartarnersoq taavalu ilaarlugu. (Filippimiut 2:5, 1936; 1 Petrusi 2:21) Ilaatigut qanoq ilaarsinnaaneripput sammeriartigu.

17, 18. (a) Jiisusi qinuneq pillugu sumik ilinniarfigaarput? (b) Sooq ‘qinujuassaagut’?

¹⁷ Guutip anersaava qinnutigisaruk. Jiisusip misilinneqaraangami Guutip anersaavanit ikiorneqarnissani qinnutigisarpaa. (Lukasi 22:40, 41) Uaguttaaq Guuti anersaaminik illernartumik tuneqqulluta qinnuigisariaqarparput. Jehovap upperlutik anersaaminik qinnutiginnittut tamaasa kajumilluni tukkorlunilu tamatuminnga tunisarpai. (Lukasi 11:13) Jiisusi ima oqarpoq: “Qinugitsi [Qinujuaritsi, NV], tunineqassaasi taava; ujarleritsi, nanisissaasi taava; kasuttoritsi, mappiunneqassaasi taava. Kinaluunniimmi qinusoq pissarsisarpoq, ujarlersorlu nanisisarpoq, kasuttortorlu mappiunneqartarpoq.” — Matthæusi 7:7, 8.

¹⁸ Guutip anersaavanit ikiorneqarnissat qinnutigigaangakku uniinnajavallaartaqinak. Immaqa qinukulanerusariaqarlutalu piffissaq annerusoq qinunermut atortariaqarparput. Ilaannikkut Jehovap imminut qinusut akinnginneranni qinnutigisaminnik qanoq pimoorussitiginerminnik qanorlu upperluartiginerminnik ersersitsinissaannut periarfisseqqaartarpai.a

19. Jiisusi sujuaannarpa, aamma tamatumunnga tunngatillugu sooq taanna ilaartariaqarparput?

¹⁹ Jehova sutigut tamatigut naalattaruk. Jiisusi Ataatami iluarisaatut iliortuaannarpoq. Minnerpaamik ataasiarluni Jiisusip piumasaa pisimasumi aalajangersimasumi Ataataata piumasaanit allaaneruvoq. Taamaakkaluartorli Ataataminik tatiginnilluinnarluni ima oqarpoq: “Uanga piumasara pinnani illit piumasat pili.” (Lukasi 22:42) Imminut ima aperigit: ‘Imaannaanngikkaluaraangalluunniit Guutimut naalattarpunga?’ Guutimut naalanneq inuuinnarnissamut pingaaruteqarpoq. Taanna uagutsinnik pinngortitsisuullunilu inuunitsinnik tunniussisuullunilu uagutsinnik inuuginnartitsisuummat taassumunnga naalalluinnartariaqarpugut. (Tussiaat 95:6, 7) Naalannermut taarsiullugu allamik iliuuseqartoqarsinnaanngilaq. Naalanngikkutta Guutimit iluarisaasinnaanngilagut.

20. Jiisusip inuunerani suna pingaarnerpaava, qanorlu ililluta taanna ilaarsinnaavarput?

²⁰ Biibilit ilisimalluaruk. Jiisusi Saatanip uppernerminik toqqaannartumik saassussineranik akiuigaangami Allakkanit issuaasarpoq. (Lukasi 4:1-13) Upperisarsiornikkut akerlilersortiminit akerlilerniarneqaraangami Guutip oqaasiani allassimasut tunngavilersuutigisarpai. (Matthæusi 15:3-6) Jiisusip inuunerani pingaarnerpaavoq Guutip inatsisaanik ilisimasaqarnissaq naammassisitsinissarlu. (Matthæusi 5:17) Uaguttaaq Guutip oqaasia uppernikkut nakussatsinnartoq pillugu ilisimasaqartariaqarpugut isumarpullu tamatuminnga immersorlugu. (Filippimiut 4:8, 9) Nammineq ilaqutariittullu atuaqqissaarnissamut piffissaqarniarnissaq ilatsinnut unamminiarnartuusinnaavoq. Piffissaqarnerlutali paasiniaannarnagu immaqa piffissalertariaqarpugut. — Efesosimiut 5:15-17.

21. Aaqqissuussaq suna Guutip oqaasianik paasinnilluarnerunissamut atuilluarnissamullu iluaqutigisinnaavarput?

²¹ ‘Inussiap aalajaallunilu silatuup’ nammineq ilaqutariittullu atuaqqissaarnissamut piffissaqalernissatsinnut ikiorpaatigut sapaatit-akunneri tamaasa unnummik ilaqutariittut anersaakkut ittunik sammisaqarfissaqalersilluta. (Matthæusi 24:45, NV) Aaqqissuussaq tamanna illit silatusaartumik atortarpiuk? Illit Kristusip isumaanik pigiliussiumallutit atuaqqissaarninni Jiisusip aalajangersimasut pillugit uagutsinnut ilinniartitsissutaanik misissueqqissaarsinnaavit? Allaaserisat Napasuliaq Alapernaarsuiffik-ni 2008-p 2011-llu akornanni saqqummertut ilaat “Jiisusip sumik ilinniartikkaatigut”-mik qulequtallit atorsinnaavatit.b Soormi allaaserisat taakku unnummi ilaqutariittut anersaakkut ittunik sammisaqarfissassinni ilaannikkut ilannguttarussigit?

Silarsuaq ajugaaffigisinnaavarput

22, 23. Silarsuarmut ajugaajumalluta susariaqarpugut?

²² Guutip anersaavanit siulersorneqarumalluta silarsuup anersaava akiortariaqarparput. Tamanna ajornaatsuinnaasanngilaq. Ilungersunarsinnaavoq. (Judasi 3) Akiuunnermili ajugaasinnaavugut. Jiisusip ajoqersukkani ima oqarfigai: “Silarsuarmi naalliuuteqarpusi; nikalloqinasili, silarsuarmut ajugaareerpunga.” — Johannesi 16:33.

²³ Uaguttaaq silarsuarmut ajugaasinnaavugut tamatuma anersaava akiorutsigu Guutillu anersaavanit sunnerneqartinniarluta sapinngisarput tamaat iliuuseqarutta. Aap, “Guutip illersorpatigut kia assortussavaatigut?” (Romamiut 8:31) Guutip anersaavanit sunnerneqartinnitsigut Biibilimilu allassimasut malillugit tamatumannga siulersortinnitsigut nalerisimaalissallutalu qamuuna eqqississallutalu nuannaalissallutalu pillualissaagut silarsuassamilu nutaami maanna atuutilingajalersumi naassaanngitsumik inuunissamut periarfissaqalissalluta.

[Quppernerup ataani ilanngussat]

Eqqaamavigit?

• Silarsuup anersaava sooq taama sunniuteqartigaa?

• Apeqqutit sisamat suut imminut apeqqutigisariaqarpavut?

• Guutip anersaavanit qanoq sunnerneqarsinnaanerput pillugu Jiisusi pingasunik sunik ilinniarfigaarput?

[Qupp. 12-mi assiliartaq]

Inngilit ilaat qanoq ilillutik anersaapilunngorpat?

[Qupp. 14-mi assiliartaq]

Saatanip silarsuup anersaava inunnut sunniuteqarnissamut atortarpaa, uagulli tamatumannga sunnertinnaveersaarsinnaavugut