Atuagassiat atorluartakkit
1 Pisiniarfiit ilaannut iseraanni atuagassiarpassuit takuneqarsinnaapput, sunik tamanik imallit titartakkaniit ilisimatussutsikkut nutaarsiassanut. Tamaasa atuarneq ajornaqaaq. Ilaasa paasissutissat iluaqutaasut imaraat, amerlanerilli iluaqutaavallaarunanngillat. Amerlasuut ileqqupilunnik imaqarput kristumiunullu atuagassatut naleqquttuunatik.
2 Napasuliaq Alapernaarsuiffik Iteritsi!-lu allaanerulluinnarput. Taakkua siunertaraat sallusuissutip inuit Guutip asanninneranik ilassinnittut annaassissutigisinnaasaata naninissaa oqaluussissutiginninnissaalu.
3 Iteritsi!-p inuit kikkulluunniit soqutiginnilersissinnaavai assiginngitsorpassuit sammineqartarmata. Soorlu normuni tamani qupperneq 4-mi ima allassimasoqartartoq „atuagassiaavoq ilaqutariinnut tamanut paasissutissiilluartoq“. Inuiaat nunani assigiinngitsorpassuarniittut oqaluttuarisarpai, kiisalu upperisarsiorneq ilisimatuussuserlu qanimut sammisarlugit. Ullutsinni pisartut tunuliaqutaat sammisarpai isumaviilu tikkuartarlugit. Mannali tamanit pingaarnerutippaa: „Silarsuarmik nutaamik toqqissisimanartumik eqqissineqarfiusumillu pilersitsinissamik Pinngortitsisup neriorsuutaanut neriulluarnissamut tunngavissiivoq.“
4 Vågn op!-ip 8. oktoberimeersup una sammissavaa: ’Misigissutsit nikallornartut ajugaaffigisinnaavatit’. Inuppassuit inuunerat misigissutsit nikallornartut pissutigalugit aserorneqartarpoq. Atuagassiaq tamanna atorutsigu immaqa inuit taakkua ilaat attaveqarfigisinnaavavut Biibilip unnersuussutai tuppallernartut innersuussutigalugit. Normumi 22. oktoberimeersumi ilanngutassiani ima qulequtalinni ’Silarsuaq nutaaq inuit tamarmik iluarusuffissaat’ eqqarsaatit kajumissinartut tikkuarsinnaavavut taamaalillutalu inuit soqutiginnilersillugit. Iteritsi!-p (oktoberi-decemberi) ilaatigut makku imarissavai: ’Imerajuttunut ilaqutaannullu ikiuut’, aamma ’Inuuneq sumik siunertaqarpa?’
5 Napasuliaq Alapernaarsuiffik silarsuaq tamakkerlugu tusaamasaavoq Guutip naalagaaffia paratiisissamilu pilluaqqussutissat tamatuma nassatassai pillugit tusagassaq nuannersoq oqaluussissutigisaramiuk. Napasuliaq Alapernaarsuiffik-up oktoberimeersup apeqqut manna sammissavaa: „Inuiaat ilumut Messiasimik pisariaqartitsippat?“ Tamanna tunngavigalugu Naalagaaffimmik neriuutissaq oqaluttuarisinnaavarput. Novemberip normuani (qallunaatut 15. oktoberi) ilanngutassiat ima qulequtallit: „Qanoq ililluta ullumikkut ilaqutariittut pilluarsinnaavugut?“ atorlugit inuit ulluinnarni artorsaatigisartakkaminnik iluaallatsitsinissamik eriniuttut oqaloqatigisinnaavavut.
6 Atuagassiat pitsaanerpaamik atorsinnaassagutsigik imarisaat nalunngilluartariaqarpavut. Taamaattumik peqqissaartumik atuartariaqarpavut immaqalu oqaluussiffigisassatta soqutigisinnaasaat nalunaaqutsertarlugit.
7 Kissaatigaarput soqutiginnittut atuagassiat akuttuunngitsumik pisassagaat. Pulaarfigisaq atuagassiat pitsaqutaannik oqaluttuukkukku, taava pisartagaqalernissaanik neqeroorfigiuk. Naaggaarpagu soqutiginnilernissaa siunertaralugu atuagassiat saqqummersussat tullii aggiukkumakkit. Kingornalu pisartagaleqarnissaq neqeroorutigeqqissinnaavat.
8 Kikkunnut tamanut atuagassiaativut neqeroorutigisinnaavavut nalunnginnatsigumi qanoq iluaqutaatigisut. Pitsaasumik peqarpugut Kristusilu malinniarlugu allanut aveqatiittariaqarlugu. — Uss. 3:27; Epr. 13:16. (km 92/10 Brug bladene godt)