„Aalajaagit, uanga aalajaanniarpunga!“
1 Oqaatsit taakkua, Jehovap Nalunaajaasuisa tusindillit aalajangersimarpaluttumik oqaatigaat — aniguisut toqusullu — nazistinit naakkittaatsuliorfigineqaraluarlutik aalajaapput. Sapiinnerat ajugaanerallu videofilmimi Jehovas Vidner står fast trods nazismens terror-imi killitsinnartumik oqaluttuarineqarpoq. Ilagiinniittut tamarmik kajumissaarneqarput takoqqullugu maluginiarsimasatillu oqaloqatigiissutigeqqullugit.
2 Apeqqutit tulliuttut eqaarsaatigikkit: (1) Suna pissutigalugu Jehovap Nalunaajaasuisa alajangiulluinnarsimavaat nazistit naalakkersuinerat naalanniarnagu? (2a) Tyskit ilassinnittarnerannut tunngatillugu sunik akiorniagaqarsimappat, aammalu sooq? (2b) Jehovamut Nalunaajaasut ilaqutaasa qanoq attorneqaatigaat? (3) Jehovap Nalunaajaasui qassit tigusanut inissiarsuanukaanneqarsimappat, tassani qanoq ittumik ilisarnaatissinneqarpat qanorlu Gestapo-mit pineqarpat? (4) Aniguiumallutik qatanngutitta suna akigiumanngilaat? (5a) Qanoq qangalu Hitlerip nalakkersuinera peqqarniitsoq Jehovap Nalunaajaasuisa avammut saqqummiuppaat? (5b) Hitleri qanoq qisuariarpa? (6) Qanoq oqaatigineqarsinnaava Jehovap innuttaasa akornanni timikkut anersaakkullu ataqatigiissuseqarneq allanik inuunerannillu annaassisoq? (7) Naalagaaffimmik erinarsuut sorleq tigusani inissiarsuarni allagaava? (8) Angutit, arnat inuusuttullu alajaatsut maligassiaat suut iluaqutigisinnaavigit, qanorluunniit pisoqassagaluarpat Jehovamut aalajaattuaannarnissannut? (Takuuk Jehovas Vidner Årbog 1999 qup. 144-miit-47-ilanngullugu.) (9) Videofilmi takoreerlugu silarsuarmut ilaannginnissaq eqqarsaatigalugu qanoq eqqarsarpit?
3 Videofilmimi takusatsinni, Jehovamut kiffat aalajaatsut iliuusii maligassaalluartut, inuusuttunut, Jehovamut Nalunaajaasuunngikkaluartunulluunniit, nalunngeqatiginnissutsimik tusaanissaanut allatut isumalinnik akaarinninnissamut avatangiisinillu tatineqarnermut iluaqutigisinnaavaat. Ilissi inuusuttut atuartut imaluunniit ilinniartut, ilinniartitsisorsi neqeroorfigisinnaavarsi atuartitsinermi videofilmi atoqqullugu. Immaqa vediofilmimik neqeroorfigisinnaavasi oqarlusilu oqaluttuarisaanerup ilisimaneqanngitsortaa tassani oqaluttuarineqartoq imaluunniit oqarsinnaavusi piviusumik tunngaviliusoq tamanut ileqqussatigut ilinniarfiusinnaasoq.
4 Filmip Jehovas Vidner står fast trods nazismens terror atortorissaarutitsialaavoq ersersikkamiuk, ajoqersuutip Guutimeersup eqqortup aalajangiusimaneratigut nalerisimaarutiginnissaanut anersaakkut nakussatsikkaatigut. (1 Kor. 16:13) Sallusuissummik soqutiginnittunut tamanut takutinneqarli.