Siulersuisoqatigiinnit allakkat – 2016

Asasavut qatanngutivut!

Pruf­fiiti Esaja maniguul­luni al­lap­poq Judap naalagaaf­fia aatsaat Jehovamit pil­luaq­quneqarami iluatsil­luarlunilu ingerlal­luar­toq. Esaja 26:12-imi ima al­las­simavoq: ‘Naalagaq, suliavut tamarmik tas­saap­put il­lit uagut pil­luta ilior­nitit.’ Ukiumi kif­far­torfiusumi qaangiut­tumi anguneqarsimasut tamaasa eq­qarsaatigalugit uagut­taaq tamatumun­nga as­singusumik oqarusup­pugut. Jehova ilumut ‘tupin­nar­tulior­poq sumiluun­niit pisiman­ngisaan­nar­tumik’! (2 Mos 34:10) Taas­suma as­saanit pil­luaq­qus­sutisiat­ta ilaan­naal­luun­niit eq­qarsaatigeriak­kit.

Nit­tar­tagar­put pisor­tatigoor­toq, jw.org, nuan­nerluin­nar­tumik ator­neqarsimavoq. Nit­tar­tagaq maan­na oqaatsit 600-​nit amerlanerusut atorlugit atuar­neqarsin­naavoq, Biibililersaarutil­lu oqaatsini 750-init amerlanerusuni atuar­neqarsin­naal­lutil­lu downloader­neqarsin­naap­put. Inun­nut eq­qor­tuliorusut­tunut sal­lusuis­sum­mik nas­suiaaniar­nermi nit­tar­tagar­put qanoq sun­niuteqarluar­tigisimava? Man­na eq­qarsaatigeriaruk: Aap­pariit up­perisarsior­nermi ilumoor­tuusaar­toqar­nera malugisimal­lugu pakatsisimap­put. Anersaak­kut siun­nersor­neqarumal­lutik nit­tar­tagar­put siumor­paat. Nit­tar­tagar­put iserfigiuaan­naler­paat atuagas­siaatitsin­ni al­laaserisat atuar­niarlugit filmeeq­qal­lu isigin­naar­niarlugit. Al­laat atuagas­siaaraq Ullut tamaasa Allakkat misissortakkit downloader­paat ul­lormul­lu al­las­simaf­fiit inuusut­tuaraatitik marluk peqatigalugit atuar­talerlugit. Ul­laat ilaan­ni taamatut atuaqatigiitsil­lutik Jehovap Nalunaajaasui kasut­torsimap­put. Nalunaajaasut paasivaat ilaqutariit nit­tar­tak­kamik misis­suisaler­nermik kinguneranik al­lan­nguingaatsiarsimasut. Aap­pariit Nalunaajaasunut suliluun­niit at­taveqar­tin­natik kakior­tin­nitik putoor­tin­nitil­lu piiar­tis­simavaat, as­sit up­perisarsior­nermut tun­ngasut piiarlugit, silamiut nal­liut­tuinik nal­liut­torsiutigin­nit­tarun­naarlutik filminil­lu naleq­qutin­ngitsunik isigin­naar­tarun­naarsimal­lutik! Uku al­lan­neqar­til­lugit angajoq­qaat taak­ku qitor­naal­lu ataaseq oqaluus­sisar­tuup­put, angajoq­qaal­lu ­qanit­tuk­kut kuisis­samaar­put.

Aaq­qis­suus­samik nuan­nersumik al­lamit­taaq, tas­sa JW Broadcastingimik, qujamasuutigin­nin­nermin­nik ersersitsisut ikin­ngil­lat. Tamatumani qaam­mam­mut saq­qum­mersin­neqar­tar­tut maan­na oqaatsinut 70-init amerlanerusunut nutser­neqar­tar­put sulilu oqaatsinut amerlanerusunut nutser­neqar­taler­tus­saal­lutik. Ilaqutariip­pas­suit atuaq­qis­saaqatigiin­nermin­ni saq­qum­mersin­neqar­tunik isigin­naar­tar­put. Qatan­ngutip angutip oqarsimaneratut ip­poq, “Jehovap peqatigiis­sor­taaniit­tut aatsaat taama amerlatigip­put, qul­lersaqarfim­mul­li aatsaat taama qanitsigisutut misigisimavugut!”

Ataatsimeersuar­nerit ukiumi kif­far­torfiusumi 2015-imi ingerlan­neqar­tut Jehovap in­nut­taasa pisar­nermis­sut nuan­naarutigisimavaat. Ataatsimeersuar­nermi saq­qum­miun­neqar­tunut ilaap­put filmiaq­qat titar­tak­kal­lu 42-t nipilersugas­sial­lu nuan­nersut arfinil­lit, saq­qum­mius­sas­sat im­mik­koor­tuinut arfinilin­nut aal­lar­niutitut ator­neqar­tut. Saq­qum­miun­neqar­tunut tun­ngatil­lugu qatan­ngut angut misilit­tagaqarluar­toq ima oqar­poq: “Najuut­tut arajutsisaqarusun­ngin­nermik saq­qum­mius­sisoqar­til­lugu nikuerusup­pasin­neq ajor­put.” Qatan­ngut ar­naq ajoqersuiar­tor­titaq sior­na ataatsimeersuar­neq pil­lugu ima maluginiagaqar­poq: “Filmiaq­qat isigin­naarak­kit sal­lusuis­sut Guutil­lu naalagaaf­fia uan­nut piviusutut in­neruler­put.”

Ukiumi qaangiut­tumi erinarsuutinik Naalagaaf­filersaarutinik nutaanik arlalin­nik Jehovap aam­ma pil­luaq­quaatigut. Aap­pariit ima al­lap­put: “Erinarsuutit nutaat aq­qutigalugit soorlu Jehovap eqit­taraatigut. Nikal­lunganitsin­ni qiim­mas­saatigisaqaavut.” Ataatsimeersuar­nivut eq­qaasitsip­put Napasuliap Alaper­naarsuif­fiup erinarsoqatigiivisa nipilersoqatigiivisalu uagut iluaqutis­satsin­nik ulap­pus­simaneran­nik, Jehovap suli an­nerusumik un­nersiutigineqar­nis­saa siuner­taralugu!

Ilagiin­ni il­lit najuk­kan­niit­tuni atuagaasiviit angal­lat­tak­kat atorluar­neqar­pat? Nalunaajaariaatsip tamatuma ilumut pil­luaq­qus­sutaanera paasinarsisimavoq! Inuit najugaqarfin­ni iserfigiuminaatsuni najugal­lit sal­lusuis­sut pil­lugu tusagaqaq­qaar­taler­put, al­lar­pas­suil­lu, ilaatigut Nalunaajaasut unit­tooq­qasut, taak­ku iluaqutigalugit anersaak­kut ikior­neqar­taler­put. 2015-imi januaarimi Koreami Kujal­lermi angut atuagaasivim­mik angal­lat­tak­kamik siumuivoq. Oqalut­tuar­poq anersaak­kut it­tunut tun­ngasut eq­qarsaatiginerusa­lersimal­lugit. Biibilimik atuaq­qis­saaqatigineqar­taler­poq. Februaarimi ilagiin­ni ataatsimiin­nermut najuuteq­qaar­poq; marsimi pujor­tar­tarun­naar­poq. Apriilimi Koreami Kujal­lermi im­mik­koor­tor­taqarfim­mut alak­kaavoq, sulilu anersaak­kut siumukarluar­poq. Misigisalik­kersaarut taman­na misigisalik­kersaarutit qul­lersaqarfim­mut maanga nas­siun­neqarsimasut amerlaqisut ilaan­naraat.

Qin­nutigaar­put qup­persagaq Jehovamut uterit ataatsimeersuar­nermi pisar­put oqaluus­seqataasarsimagaluar­tut ilar­pas­suisa kingusinaar­tin­natik Jehovap asan­ningaas­susianut uteq­qin­nis­samin­nut kajumis­sis­sutigis­sagaat! Tamavis­si kajumis­saar­pas­si uter­tut asan­nit­tumik tikil­luaq­qunerisigut Jehovamik ilaarseq­qul­lusi. – Ez 34:16.

Jehovap in­nut­tani ukiumi kif­far­torfiusumi qaangiut­tumi ilumut pil­luaq­qusimavai. Sunik al­lanik pisoqarumaar­pa? Utaq­qilaaral­lar­ta, paasiumaar­par­put. Utaq­qitil­lusi ilisimas­savarsi Siulersuisoqatigiiusugut tamas­si as­sorujus­suaq asagis­si qin­nutikulasaris­silu.

Ajun­ngitsunik tamanik kis­saap­pas­si.

Qatan­ngutisi,

Jehovap Nalunaajaasuisa Siulersuisoqatigiivi